- 2020-08-05 03:04:28
- សុខភាព
មកដឹងឲ្យច្បាស់ពីរោគសញ្ញានៃ ជំងឺគ្រុនឈីកដែលកំពុងផ្ទុះនៅខេត្តជាច្រើននៅកម្ពុជា និង របៀបការពារខ្លួន
- 2020-08-05 03:04:28
- ចំនួនមតិ 0 | ចំនួនចែករំលែក 0
មកដឹងឲ្យច្បាស់ពីរោគសញ្ញានៃ ជំងឺគ្រុនឈីកដែលកំពុងផ្ទុះនៅខេត្តជាច្រើននៅកម្ពុជា និង របៀបការពារខ្លួន
ចន្លោះមិនឃើញ
ក្នុងអំឡុងពេលឈប់សម្រាកសងថ្ងៃឈប់បុណ្យចូលឆ្នាំខ្មែរ ខាងមុខនេះ ពីថ្ងៃទី ១៧ ដល់ ២១ សីហា ២០២០ ចំពោះអ្នកមានបំណងចង់ធ្វើដំណើរកម្សាន្តទៅតាមខេត្តនានា ពិសេស ខេត្តបន្ទាយមានជ័យ , ព្រះវិហារ , កំពង់ស្ពឺ , បាត់ដំបង , កំពង់ចាម , តាកែវ , រតនគិរី, ស្ទឹងត្រែង , កំពង់ធំ , កណ្តាល , កំពត , និង សៀមរាប , ចូរមានការប្រុងប្រយ័ត្នខ្ពស់ ដោយសារតែនៅក្នុងខេត្តទាំង ១២នេះ កំពុងមានករណីជំងឺគ្រុនថ្មីមួយ ឈ្មោះថា គ្រុនឈីក។
ជំងឺគ្រុនឈីក បង្កឡើងដោយវីរុសឈីក ហើយចម្លងតាមរយៈមូសខ្លាញីខាំ ជាពិសេសនៅពេលថ្ងៃ ។ ភ្នាក់ងារចម្លង គឺសត្វមូសប្រភេទក្រុមអាអេដេស (Aedes Aegypti and Aedes Albopictus) ដែលជាភ្នាក់ងារចម្លងជំងឺគ្រុនឈាមផងដែរ។
រោគសញ្ញានៃជំងឺនេះ គឺ ៖
ជាទូទៅ ជំងឺគ្រុនឈីក មិនបណ្តាលឲ្យអ្នកជំងឺបាត់បង់ជីវិតនោះទេ ហើយរយៈពេលនៃការជាសះស្បើយក៏ស្ថិតនៅក្នុងរយៈពេលមួយសប្តាហ៍ដែរ។ តែក៏មានករណីមួយចំនួនដែលអ្នកជំងឺ មានអាការៈឈឺសន្លាក់ដៃ ជើងក្នុងរយៈពេលយូរ ហើយក៏អាចបាត់បង់ជីវិតផងដែរ ប្រសិនបើអ្នកជំងឺនោះមានជំងឺគ្រុនចាញ់ ជំងឺគ្រុនឈាម និងជំងឺរលាកស្រោមខួរស្របពេលដែលមានជំងឺគ្រុនឈីកនេះ។
ទោះបីជាមានជំងឺនេះ មានហានិភ័យដែលអាចបង្កឲ្យបាត់បង់ជីវិតទាប តែវាក៏អាចប៉ះពាល់ដល់សុខភាព ខាតបង់ពេលវេលា និងប៉ះពាល់សេដ្ឋកិច្ចគ្រួសារ និងសង្គមជាតិផងដែរ ។
ដូចនេះដើម្បីការពារខ្លួនពីការកើតជំងឺគ្រុនឈីកនេះ អ្នកគួរតែ ៖
ក្នុងករណីសង្ស័យថាអ្នកអាចមានជំងឺគ្រុនឈីក ឬមានការលេចចេញនូវរោគសញ្ញាណាមួយខាងលើអ្នកត្រូវទៅមណ្ឌលសុខភាព ឬមន្ទីរពេទ្យដែលជិតលោកអ្នកបំផុត ដើម្បីធ្វើការពិគ្រោះ និងទទួលបានការព្យាបាលឲ្យទាន់ពេលវេលា ជៀសវាងការឆ្លងទៅមនុស្សជុំវិញខ្លួន (តាមរយៈមូសខាំ) និងគ្រោះថ្នាក់ដល់ជីវិត៕