ប្រមុខរាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជាយករដ្ឋមន្ត្រី បានធ្វើការកែលម្អលក្ខណៈសម្បត្តិនៃគោលនយោបាយ «ភូមិ-ឃុំ-សង្កាត់ មានសុវត្ថិភាព» ចំនួន ៧ ចំណុច ។ ការបន្ថែមនូវលក្ខណៈសម្បត្តិនេះនឹងធ្វើឱ្យប្រទេសជាតិ ប្រជាពលរដ្ឋ កាន់តែមានភាពសុខសាន្ត សន្តិភាពបរិបូរ មានការរីកចម្រើន ការអភិវឌ្ឍជានិរន្ត៍រៀងទៅ ។

ដូច្នេះសូមបងប្អូនប្រជាពលរដ្ឋទៅដឹងពីគោលនយោបាយ «ភូមិ-ឃុំ-សង្កាត់ មានសុវត្ថិភាព» ដូចខាងក្រោមនេះ៖

១. ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត។

២. គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើស គ្រប់ប្រភេទ។

៣. មានសណ្តាប់ធ្នាប់សាធារណៈល្អ ជាពិសេសគ្មានគ្រោះថ្នាក់ចរាចរណ៍។

៤. គ្មានអំពើអនាចារ គ្មានការជួញដូរមនុស្ស ពិសេសស្ត្រីនិងកុមារ គ្មានអំពើហិង្សា ក្នុងគ្រួសារ និងគ្មានក្មេងទំនើង។

៥. ដោះស្រាយវិវាទនៅមូលដ្ឋានក្រៅប្រព័ន្ធតុលាការប្រកបដោយគុណភាព និង ប្រសិទ្ធភាព។

៦. មានអនាម័យ មាន់សោភ័ណភាពល្អ និងមានបរិស្ថានល្អ។

៧. ឆ្លើយតបបានទាន់ពេលវេលាចំពោះគ្រោះមហន្តរាយនិងរាល់ជំងឺឆ្លងរាតត្បាត កាចសាហាវប្រកបដោយប្រសិទ្ធភាព ៕