/6660571e222c5_1717589760_medium.jpg)
- 2024-06-06 12:29:29
- ព័ត៌មាន
ដោយខ្វះទាហាន អូស្ត្រាលីប្រកាសយកជនបរទេសមកធ្វើទ័ព
- 2024-06-06 12:29:29
- ចំនួនមតិ 0 | ចំនួនចែករំលែក 0
ដោយខ្វះទាហាន អូស្ត្រាលីប្រកាសយកជនបរទេសមកធ្វើទ័ព
ចន្លោះមិនឃើញ
អូស្ត្រាលីប្រកាសរើសយកជនបរទេសមកបម្រើការជាកងទ័ពរបស់ខ្លួន។ នេះបើតាមការលើកឡើងរបស់រដ្ឋាភិបាលប្រទេសនេះកាលពីថ្ងៃអង្គារកន្លងទៅ។
ការប្រកាសយកបរទេសមកធ្វើជាកងកម្លាំងប្រដាប់អាវុធរបស់ខ្លួនគឺ ដោយសារតែអូស្ត្រាលីខ្វះខាតចំនួនទាហានចំនួន ៤ ៤០០នាក់ ខណៈគោលដៅនៃកងទាហានពេញសិទ្ធិ និងពេញម៉ោងរបស់ខ្លួននៅក្នុងឆ្នាំនេះគឺប៉ងចង់បានចំនួន ៦៣ ៦០០នាក់។ រដ្ឋាភិបាលចង់បានទាហានពេញម៉ោងឡើងដល់ ៨ម៉ឺននាក់នៅក្នុងឆ្នាំ២០៤០។
មូលហេតុដែលខ្វះទាហាននេះ ដោយសារតែអត្រាអ្នកអត់ការងារធ្វើនៅអូស្ត្រាលីមានការធ្លាក់ចុះ។
ជនបរទេសដែលអាចមកធ្វើជាទាហានរបស់អូស្ត្រាលីបានគឺមានតែជាពលរដ្ឋមកពីប្រទេសសម្ព័ន្ធមិត្តចារកម្មភ្នែកប្រាំ (Five Eyes) ដែលរួមមាន អូស្ត្រាលី កាណាដា នូវែលហ្សេឡង់ ចក្រភពអង់គ្លេស និងសហរដ្ឋអាមេរិកតែប៉ុណ្ណោះ។
ពលរដ្ឋនូវែលហ្សេឡង់ ដែលកំពុងតែរស់នៅអូស្ត្រាលីយ៉ាងតិច ១ឆ្នាំ អាចចូលធ្វើទាហានចាប់ពីខែកក្កដានេះតទៅ។ ចំណែកឯពលរដ្ឋកាណាដា និងអាមេរិក ដែលកាន់ប័ណ្ណរស់នៅជាអចិន្ត្រៃយ៍នៅអូស្ត្រាលីអាចចាប់ផ្ដើមបាននៅខែមករា ឆ្នាំក្រោយ។
យ៉ាងណាមិញ ប្រទេសមួយចំនួននៃដៃគូសម្ព័ន្ធមិត្តភ្នែក៥ ដូចជា អូស្ត្រាលី និងនូវែលហ្សេឡង់ ក៏ខ្វះកងទ័ពរបស់ខ្លួនផងដែរ៕
