- 2018-12-26 08:58:27
- ព័ត៌មាន
ពាក់ស្បែកជើងពណ៌ស ចង់លាងសម្អាតឲ្យសស្អាតដូចថ្មីវិញ មានអីពិបាក!
- 2018-12-26 08:58:27
- ចំនួនមតិ 0 | ចំនួនចែករំលែក 0
ពាក់ស្បែកជើងពណ៌ស ចង់លាងសម្អាតឲ្យសស្អាតដូចថ្មីវិញ មានអីពិបាក!
ចន្លោះមិនឃើញ
ស្បែកជើងពណ៌ស គឺស្រស់ស្អាត និងទាន់សម័យ ពេលដែលវានៅថ្មី ប៉ុន្តែវាអាចនឹងឆាប់កខ្វក់ខ្លាំង ទោះបីជាអ្នកពាក់វាធម្មតាក៏ដោយ។ ដើម្បីថែរក្សាស្បែកជើងពណ៌សរបស់អ្នកឲ្យមើលទៅស្រស់ស្អាត អ្នកត្រូវតែលាងសម្អាតវាញឹកញាប់។ ការសម្អាតស្បែកជើងដោយដៃ គឺជាជម្រើសល្អបំផុតដើម្បីថែរក្សាសាច់ក្រណាត់របស់វា។
ខាងក្រោមនេះគឺជាវិធីលាងសម្អាតស្បែកជើងពណ៌សរបស់អ្នក ដោយប្រើប្រាស់សាប៊ូលាងចាន និងទឹក៖
ជំហានទី១៖ លាយសាប៊ូចូលទៅក្នុងទឹកក្ដៅឧណ្ហ៍ៗ ចំណុះ ២៤០មីល្លីលីត្រ
លាយសាប៊ូលាងចាន ១ស្លាបព្រាបាយ (ប្រហែល ៥មីល្លីលីត្រ) ចូលទៅក្នុងទឹក រួចកូរវាដោយប្រើច្រាសដុសធ្មេញ។ សាប៊ូលាងចាន និងទឹក អាចប្រើបានគ្រប់ប្រភេទស្បែកជើងទាំងអស់ រួមទាំងស្បែកពណ៌សផងដែរ។
ជំហានទី២៖ លាងសម្អាតទ្រនាប់ស្បែកជើង និងស្បែកជើងដោយប្រើអេប៉ុង
យកអេប៉ុងមកជ្រលក់ចូលទឹកសាប៊ូដែលលាយរួច ហើយជូតលើកន្លែងដែលមានស្នាមប្រឡាក់។
ជំហានទី៣៖ ដុសស្នាមប្រឡាក់ខ្លាំងដោយប្រើច្រាសដុសធ្មេញ
ជ្រលក់ច្រាសដុសធ្មេញចូលទឹកសាប៊ូដែលលាយរួច ហើយដុសជារង្វង់លើផ្ទៃស្បែកជើង ដោយផ្ដោតសំខាន់លើកន្លែងប្រឡាក់ខ្លាំង។
ជំហានទី៤៖ ប្រើកន្សែងជូតទឹកសាប៊ូចេញ
ប្រើក្រណាត់ ឬក្រដាស ដើម្បីជូតទឹកសាប៊ូ និងស្នាមប្រឡាក់ផ្សេងៗចេញពីស្បែកជើង។
ជំហានទី៥៖ ហាលស្បែកជើង
បន្ទាប់ពីជូតសម្អាតទាំងទឹកសាប៊ូ និងស្នាមប្រឡាក់រួច ដាក់ស្បែកជើងហាលនៅកន្លែងដែលមានខ្យល់ចេញចូលល្អ ដើម្បីឲ្យវាស្ងួត ១០០%។ ក្រោយពេលស្ងួត ទុកវាចោល ២-៣ម៉ោង សឹមពាក់វាម្ដងទៀត។ បើយល់ល្អគួរលាងសម្អាតស្បែកជើងអ្នកនៅពេលយប់ ដូច្នេះអ្នកអាចទុកវាឲ្យស្ងួតក្នុងរយៈពេលមួយយប់៕
ចុចអាន៖
