អ្នកមានបណ្ណបីប្រភេទនេះ ទទួលការព្យាបាលដោយមិនបង់ថ្លៃនៅមន្ទីរពេទ្យកាល់ម៉ែត

2019-12-11 02:37:09
សុខភាព

2019-12-11 02:37:09
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្តេច ហ៊ុន សែន បញ្ជាក់ថាប្រជាជាពលរដ្ឋដែលមានបណ្ណសមធម៌ បណ្ណក្រីក្រ និងបណ្ណប.ស.ស នឹងមិនត្រូវចំណាយលើថ្លៃព្យាបាលនៅមន្ទីរពេទ្យកាល់ម៉ែតនោះទេ និងថាអ្នកមានលទ្ធភាពគឺបង់ថ្លៃព្យាបាល។

(រូបភាព៖ Screenshot ពីផេករបស់សម្តេច ហ៊ុន សែន)

ថ្លែងក្នុងពិធីចែកសញ្ញាបត្រដល់និស្សិសាកលវិទ្យាល័យមួយនៅរាជធានីភ្នំពេញនាព្រឹកនេះ សម្តេច ហ៊ុន សែន មានប្រសាសន៍ថា៖ «បកស្រាយអំពីសហគ្រាសសាធារណៈ និយាយឲ្យចំអំពីពេទ្យកាល់ម៉ែត អ្នកមានបណុ្ណក្រីក្រ បណ្ណសមធម៌ កាន់បណ្ណ ប.ស.ស. អត់យកលុយទេ គ្មានការបង់ថ្លៃទេ អ្នកមានលទ្ធភាពគឺបង់លុយ»។

បើតាមសម្តេច ហ៊ុន សែន មន្ទីរពេទ្យកាល់ម៉ែតគឺយកមន្ទីរពេទ្យចិញ្ចឹមមន្ទីរពេទ្យ និងបានយកថវិកាពីអ្នកមានលទ្ធភាពបង់ថ្លៃព្យាបាលមកជួយអ្នកក្រីក្រ ឬអ្នកមានបណ្ណទាំងបីប្រទេភខាងលើ។

សម្តេចឲ្យដឹងទៀតថា៖ «គឺអ្នកក្រីក្រយើងព្យាបាលដោយអត់យកប្រាក់ទេ អ្នមានលទ្ធភាពគឺយកប្រាក់ ប្រាក់ហ្នឹងយកទៅណា យកទៅជួយអ្នកក្រីក្រ នឹងបញ្ចេញទៅមន្ទីរពេទ្យផ្សេងទៀត កាល់ម៉ែតត្រូវចិញ្ចឹមខ្លួនឯង នេះជាវិធីដោះស្រាយមួយ»៕

អត្ថបទ៖ ជំនោរ