- 2020-05-28 03:46:48
- ជំនឿ
បុរសឥណ្ឌារស់ដោយមិនផឹកទឹក និងបរិភោគអាហារ ស្លាប់នៅអាយុ៩០ឆ្នាំ
- 2020-05-28 03:46:48
- ចំនួនមតិ 0 | ចំនួនចែករំលែក 0
បុរសឥណ្ឌារស់ដោយមិនផឹកទឹក និងបរិភោគអាហារ ស្លាប់នៅអាយុ៩០ឆ្នាំ
ចន្លោះមិនឃើញ
បុរសជនជាតិឥណ្ឌាម្នាក់បានអះអាងថាខ្លួនរស់នៅដោយមិនផឹកទឹក និងបរិភោគអាហារអស់រយៈពេលជាច្រើនទសវត្ស បានស្លាប់កាលពីថ្ងៃអង្គារក្នុងអាយុ៩០ឆ្នាំ។
មានពុកមាត់, ពុកចង្កា, សក់វែង ចោះច្រមុះ និងស្លៀកពាក់ក្រហមតាមបែបហិណ្ឌូ លោកតារូបនោះបានរស់នៅក្នុងភូមិ ឆារ៉ាដា ភាគខាងលិចរដ្ឋហ្គាចារ៉ាត ជាទីដែលលោកបានចំណាយពេលចុងក្រោយនៃឆាកជីវិតធ្វើសមាធិ ភាវនាធម៌តាមបែបសាសនា។
លោកតាមានឈ្មោះថា Prahlad Jani មានអាយុ៩០ឆ្នាំ នេះបើតាមសាមីខ្លួនអះអាងថាបានកើតក្នុងខែសីហា ឆ្នាំ១៩២៩។ Jani ត្រូវបានគេស្គាល់ច្បាស់កាលពីឆ្នាំ២០០៣ នៅក្នុងកិច្ចសម្ភាសន៍ជាមួយ AFP ពេលដែលគាត់អះអាងថាអាចរស់នៅដោយគ្មានអាហារ និងទឹកព្រោះតែការប្រទានពរពីនាគរាជ។
Jani មានមនុស្សមួយក្រុមគោរពប្រតិបត្តិ និងដើរតាមបើទោះជាអ្វីដែលលោកអះអាងមានការសង្ស័យពីក្រុមគ្រូពេទ្យជំនាញក៏ដោយ។ សាកសពរបស់លោកតាហិណ្ឌូសាសនិករូបនេះត្រូវបញ្ជូនយកទៅធ្វើបុណ្យតាមសាសនាក្នុងទីក្រុងអាំបាជី ជាទីដែលលោកបានសាងប្រាសាទតូចមួយនៅទីនោះ៕