- 2020-12-03 09:56:00
- សុខភាព
ត្រឹមរយៈពេលខ្លី ដោយតិចនិកជួសជុលស្បែកពីខ្មៅខ្លោច ទៅជាស្អាតភ្លឺថ្លា
- 2020-12-03 09:56:00
- ចំនួនមតិ 0 | ចំនួនចែករំលែក 0
ត្រឹមរយៈពេលខ្លី ដោយតិចនិកជួសជុលស្បែកពីខ្មៅខ្លោច ទៅជាស្អាតភ្លឺថ្លា
ចន្លោះមិនឃើញ
សម្រាប់មនុស្សស្រីដែលរងកម្តៅខ្លាំង រហូតប្រែស្បែកទៅជារលាក ខ្មៅស្រអាប់មិនស្អាត ដោយសារពន្លឺថ្ងៃ ប្រិយមិត្តអាចសាកល្បងគន្លឹះខាងក្រោមបាន។
១. លាបប្រេងដូងមុនចូលគេង
ប្រេងដូង មានគុណសម្បត្តិជួយដោះស្រាយបញ្ហារលាកស្បែកដោយសារពន្លឺថ្ងៃបានយ៉ាងល្អ។ ដូច្នេះហើយ ស្បែកដែលត្រូវដុតកម្លោចដោយពន្លឺព្រះអាទិត្យរហូតខ្លោចកន្លងមក ត្រូវបានគេណែនាំឲ្យលាបប្រេងដូងស្តើងៗ លើដៃ ជើង ឬក៏លើមុខមុនពេលចូលគេង។ វិធីនេះ នឹងជួយចិញ្ចឹមកោសិកាស្បែកឲ្យស្រស់ស្អាតបាន។
២. ចៀសវាងត្រូវពន្លឺថ្ងៃ
ស្បែកនឹងត្រូវបំផ្លាញយ៉ាងពិតប្រាកដ ដោយសារពន្លឺថ្ងៃ។ ដូច្នេះ អ្នកមិនគួរដើរឲ្យត្រូវពន្លឺថ្ងៃច្រើនពេកទេ ពិសេសត្រូវចៀសវាងម៉ោងនៅចន្លោះ ១០ព្រឹក - ៥ល្ងាច ។ អ្នកត្រូវពាក់អាវឲ្យវែងៗ ឬបាំងឆ័ត្រ ឬពាក់មួកក៏បាន។
៣. លាបឡេ
ចំណុចនេះ គឺពិសេសណាស់សម្រាប់មនុស្សស្រី។ នៅពេលស្បែកបានរងកម្តៅខ្លាំងពីព្រះអាទិត្យហើយ អ្នកត្រូវប្រញាប់កែខៃឲ្យបានទាន់ពេលវេលា។ ជាការល្អ ត្រូវលាបឡេដែលមានសារធាតុវីតាមីន E និងត្រូវតែជាប្រភេទឡេជួយស្បែកឲ្យទន់។ ដាច់ខាតមិនត្រូវប្រើឡេធ្វើឲ្យសនោះទេ ព្រោះនឹងធ្វើឲ្យស្បែករបស់កាន់តែខ្មៅជាងមុនលើសដើម ក្នុងករណីនេះ។
៤. លាបឡេការពារកម្តៅថ្ងៃ មុនចាកចេញពីផ្ទះ
អំឡុងពេលកំពុងជួសជុលស្បែកឲ្យប្រែមកជាភ្លឺថ្លា មិនខ្មៅស្រអាប់ទៀត អ្វីដែលអ្នកត្រូវគិតគូ គឺការលាបឡេការពារកម្តៅថ្ងៃ ដែលមាន SPF កម្រិតខ្ពស់ និង PA ++++ ដើម្បីការពារស្បែកចៀសផុតពីការដុតកម្លោច និងដើម្បីជារបាំងជួយស្បែកផងដែរ។
៥. ផឹកទឹកឲ្យបានច្រើន
នេះគឺជាតិចនិកចុងក្រោយដ៏សាមញ្ញ មិនស្មុគស្មាញ គឺការផឹកទឹកឲ្យបានគ្រប់គ្រាន់។ ទឹកនឹងជួយរក្សាស្បែករបស់អ្នកឲ្យទន់ជាងមុន មានសំណើមជាងមុន ព្រមទាំងជួយជុសជុលស្បែកដែលកំពុងខ្មៅស្រអាប់ឲ្យមានពន្លឺចែងចាំង និងភ្លឺថ្លាជាងមុន។ ហេតុនេះ អ្នកគួរផឹកទឹកយ់ាងហោចឲ្យបាន ៨ -១០ កែវក្នុងមួយថ្ងៃ ដើម្បីស្បែកមានសុខភាពល្អបំផុត៕
