![](http://cdn.sabay.com/cdn/media.sabay.com/media/sabay-news/Sport-News/International-Sports/Freelancer-Sport/football(134)/66a0e6b922b1f_1721820840_medium.jpg)
- 2024-07-24 12:38:17
- ព័ត៌មាន
គ្រាន់តែផ្ដើមឃោសនាសោះ បេក្ខភាពប្រធានាធិបតីជំនួសលោកបៃដិនរកបាន ១០០លានដុល្លារ
- 2024-07-24 12:38:17
- ចំនួនមតិ 0 | ចំនួនចែករំលែក 0
គ្រាន់តែផ្ដើមឃោសនាសោះ បេក្ខភាពប្រធានាធិបតីជំនួសលោកបៃដិនរកបាន ១០០លានដុល្លារ
ចន្លោះមិនឃើញ
គ្រាន់តែចាប់ផ្ដើមឃោសនាការបោះឆ្នោតប្រធានាធិបតីសោះ អ្នកស្រី កមាលា ហារីស ដែលជាបេក្ខភាពប្រធានាធិបតីសហរដ្ឋអាមេរិកគណបក្សប្រជាធិបតេយ្យ រកបានច្រើនជាងជាង ១០០លានដុល្លារអាមេរិក។ នេះបើតាមការអះអាងរបស់ក្រុមការងារឃោសនារបស់អ្នកស្រី។
លោក ចូ បៃដិន ប្រធានាធិបតីអាមេរិកបានប្រកាសកាលពីថ្ងៃទី២១ ខែកក្កដាកន្លងទៅថា លោកនឹងឈប់ឈរឈ្មោះសម្រាប់ការបោះឆ្នោតប្រធានាធិបតីនៅខែវិច្ឆិកាខាងមុខនេះ ហើយប្រកាសគាំទ្រអ្នកស្រី ហារីស ជាអ្នកឈរឈ្មោះបន្ត។
យុទ្ធនាការឃោសនាការបោះឆ្នោតរបស់អ្នកស្រីហារីស បានចាប់ផ្ដើមនៅថ្ងៃអាទិត្យ ហើយគិតត្រឹមល្ងាចថ្ងៃច័ន្ទកន្លងទៅ យុទ្ធនាការរបស់អ្នកស្រីរកលុយបានប្រមាណ ១០០លានដុល្លារអាមេរិក។
ក្រុមការងាររបស់អ្នកស្រីបានបន្ថែមថា ទឹកប្រាក់ប្រមាណ ១០០លានដុល្លារនេះបានមកពីអ្នកបរិច្ចាគសរុប ១,១លាននាក់។
ក្រៅពីរៃអង្កាសប្រាក់បានច្រើនសន្ធឹកសន្ធាប់បែបនេះ យុទ្ធនាការរបស់អ្នកស្រីហារីស បានរើសអ្នកស្ម័គ្រចិត្តមូលដ្ឋានបានរហូតដល់ទៅ ៨៨ម៉ឺននាក់ឯណោះ។
សូមជម្រាបផងដែរថា អ្នកស្រីហារីស ជាអនុប្រធានាធិបតីរបស់លោកចូ បៃដិន។ អ្នកស្រីត្រូវបានគណបក្សប្រជាធិបតេយ្យគាំទ្រជាបេក្ខភាពប្រធានាធិបតីរបស់បក្ស ក្រោយពេលដែលលោកបៃដិន ប្រកាសឈប់ឈរឈ្មោះ៕