- 2016-12-07 02:17:02
- ជំនឿ
បារមីលោកតាព្រហ្ម វត្តអង្គរបាជ័យល្បីដល់សហរដ្ឋអាមេរិក
- 2016-12-07 02:17:02
- ចំនួនមតិ 0 | ចំនួនចែករំលែក 0
បារមីលោកតាព្រហ្ម វត្តអង្គរបាជ័យល្បីដល់សហរដ្ឋអាមេរិក
ចន្លោះមិនឃើញ
ប្រិយមិត្តរបស់ Sabay ប្រាកដជាស្គាល់រមណីយដ្ឋាន អង្គរបាជ័យ ស្ថិតនៅឃុំអំពិលក្នុងស្រុកកំពង់សៀម ខេត្តកំពង់ចាមជាក់ជាមិនខាន។ នៅរមណីយដ្ឋានមួយនេះមានបារមីមួយល្បីថាស័ក្ដិសិទ្ធ ដែលអ្នកផងទាំងពួងបន់អ្វីច្រើនបានសម្រេច ហើយល្បីដល់អ្នករស់នៅអាមេរិកទៀតផង។
បារមីដែលគេល្បីតៗគ្នាថាបន់អ្វីច្រើនបានសម្រេចនោះ គឺជាបារមីលោកតាស្រីសុគន្ធ ហៅលោកតាព្រហ្ម ស្ថិតនៅក្នុងឃុំអំពិល ស្រុកកំពង់សៀម ដោយប្រិយមិត្តអាចធ្វើដំណើរពីភ្នំពេញមកកំពង់ចាម មកដល់ រដ្ឋករគយ ខេត្តកំពង់ចាម ខាងឆ្វេងដៃនឹងឃើញក្លោងទ្វារវត្តអង្គរបាជ័យ រួចជិះចូលទៅក្នុងប្រហែល ១៥០ម៉ែត្រ បត់ទៅឆ្វេងបន្តិច និង ឃើញអាស្រមលោកតាព្រហ្ម មិនខាន។
លោកតា ស៊ឹង អាន អាចារ្យវត្តអង្គរបាជ័យក្នុង បានប្រាប់ Sabay ថា អាស្រមនេះបានក៏កើតឡើងតាំងពីរាជព្រះបាទជ័យវរ្ម័នទី២ មកដល់រាជព្រះបាទជ័យវរ្ម័នទី៧ និងរហូតមកដល់បច្ចុប្បន្ននេះ ហើយបារមីរបស់លោកតាស្រីសុគន្ធបទនេះពូកែស័ក្តិសិទ្ធណាស់ បន់ស្រន់សុំអ្វីបានសម្រេចដូចប្រាថ្នា ជាពិសេសគឺការបន់ស្រន់សុំឱ្យរកស៊ីបានកាក់កប និងអ្នកខ្លះបន់ផ្សងមានគូ ច្រើនបានសម្រេចផងដែរ។
អ្នកមកបន់ស្រន់នៅទីនេះ គឺមានគ្រប់ជនជាតិ ជាតិសាសន៍ ដូចជា ចិន កូរ៉េ ជាហេតុធ្វើឱ្យល្បីគ្រប់ទីកន្លែង រហូតមានអ្នកនៅអាមេរិចបន់ស្រន់ពីសហរដ្ឋអាមេរិកមកសុំឱ្យរកស៊ីមានបាន ជាពិសេសដីដែលលក់មិនដាច់យូរហើយនោះឱ្យលក់ឆាប់ដាច់ នឹងអាលទៅទិញដីកន្លែងផ្សេង ដែលចង់បាន ស្រាប់តែអ្នកបន់នោះលក់ដីដាច់ ហើយបានទៅទិញដីមួយកន្លែងនោះបានដូចបំណងមែន។ លោកតា អានប្រាប់៕
