- 2017-11-02 23:40:00
- សុខភាព
ចំណីប្រាំមុខនេះ មិនឲ្យលក់ដាច់ខាតក្នុងសាលារៀនមួយនេះ
- 2017-11-02 23:40:00
- ចំនួនមតិ 0 | ចំនួនចែករំលែក 0
ចំណីប្រាំមុខនេះ មិនឲ្យលក់ដាច់ខាតក្នុងសាលារៀនមួយនេះ
ចន្លោះមិនឃើញ
ចំណីអាហារចំនួន ៥មុខ មានដូចជាស្លាប-ជង្គង់មាន់អាំង សាច់ក្រកគោ ស្ករគ្រាប់គ្រប់ប្រភេទ លៀសហាល និងភេសជ្ជៈជាតិកាហ្វេ-ម្សៅ ត្រូវបានហាមប្រាមមិនឲ្យលក់ក្នុងបរិវេណសាលាបឋមសិក្សាវត្តបូព៌។ នេះជាការឲ្យដឹងរបស់លោក ពឹង គិមឆេន នាយកសាលាបឋមសិក្សាមួយនេះ។
លោក គិមឆេន ឲ្យដឹងថា សាលាបឋមសិក្សាវត្តបូព៌មានចក្ខុវិស័យធំៗចំនួនប្រាំ ក្នុងនោះការថែរក្សាសុខុមាលភាពសម្រាប់សិស្សឲ្យបានល្អ គឺជាចក្ខុវិស័យមួយក្នុងចំណោមចក្ខុវិស័យទាំងប្រាំ ដែលសាលាអនុវត្តដោយជោគជ័យរួចហើយ។
លោកលើកឡើងថា មូលហេតុដែលសាលាមិនអនុញ្ញាតឲ្យលក់ចំណីអាហារទាំង ៥មុខខាងនេះដោយសារតែអាហារទាំងនោះអាចមានលាយសារធាតុគីមីមិនល្អ និងមិនមានអនាម័យមិនល្អ ដែលថាអាចបង្កឲ្យកូនសិស្សមានបញ្ហាសុខភាពក្រោយពេលទទួលទាន។
លោកបញ្ជាក់ថាៈ« ការលើកកម្ពស់សុខមាលភាពរបស់សិស្សគឺជារឿងចាំបាច់ណាស់ ដែលយើងត្រូវតែធ្វើ ម្យ៉ាងវាជាចក្ខុវិស័យទី២របស់សាលាបឋមសិក្សាវត្តបូព៌... ចំពោះប្រភេទស្លាបមាន់ និងសាច់ក្រកគោ គេអាចលាយសារធាតុបូរ៉ាក់ ឯស្ករគ្រាប់អាចបណ្ដាលឲ្យសិស្សខូចធ្មេញ លៀសហាលអាចធ្វើឲ្យក្មេងរាគរូស និងភេសជ្ជៈមានជាតិកាហ្វេ វាអាចមានសារធាតុញៀនផងដែរ។ ដូច្នេះយើងគប្បីគិតគូរជាមុនចំពោះការថែរក្សាសុខភាពសិស្ស ជាជាងបណ្ដែតបណ្ដោយឲ្យពួកគេទទួលទានអាហារទាំងនោះ»។
លោក ពឹង គិមឆេន ឲ្យដឹងបន្ថែមដែរថា ក្រៅពីហាមមិនឲ្យលក់អាហារដែលបង្កឲ្យមានផលប៉ះពាល់ដល់សុខភាពសិស្ស សាលាក៏បានសហការជាមួយនឹងមន្ដ្រីកាំកុងត្រូលក្នុងការពិនិត្យ និងផ្សព្វផ្សាយអំពីប្រភេទអាហារដែលមានគ្រោះថ្នាក់ ហួសកាលបរិច្ឆេទប្រើប្រាស់ និងធ្វើឲ្យប៉ះពាល់សុខភាពដល់អាជីវករ សិស្សានុសិស្ស និងអាណាព្យាបាលរបស់ពួកគេបន្ថែមទៀតផងដែរ។
សាលាបឋមសិក្សាវត្តបូព៌ មានទីតាំងបូព៌ មានទីតាំងនៅភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។ សាលានេះត្រូវបាន ចាត់ទុកជាសាលាដែលមានសណ្ដាប់ធ្នាប់ និងវិន័យល្អជាងគេមួយក្នុងក្របខ័ណ្ឌទូទាំងប្រទេសកម្ពុជា៕
