- 2018-03-12 10:21:49
- ព័ត៌មាន
ក្តៅៗ! ធ្លាក់យន្តហោះដឹកអ្នកដំណើរ ជាង៦០នាក់នៅនេប៉ាល់ មុននេះបន្តិច (មានវីដេអូ)
- 2018-03-12 10:21:49
- ចំនួនមតិ 0 | ចំនួនចែករំលែក 0
ក្តៅៗ! ធ្លាក់យន្តហោះដឹកអ្នកដំណើរ ជាង៦០នាក់នៅនេប៉ាល់ មុននេះបន្តិច (មានវីដេអូ)
ចន្លោះមិនឃើញ
យន្តហោះមួយគ្រឿងបានធ្លាក់នៅឯព្រលានយន្តហោះ Tribhuvan International Airport ស្ថិតក្នុងទីក្រុង Kathmandu ប្រទេសនេប៉ាល់ នាល្ងាចថ្ងៃច័ន្ទ ទី១២ ខែមីនា ឆ្នាំ២០១៨ នេះ។
យន្តហោះដែលធ្វើប្រតិបត្តិការដោយក្រុមហ៊ុនអាកាសចរណ៍បង់ក្លាដេស US-Bangla ខាងលើ បានរត់ធ្លាក់ចេញពីផ្លូវ ខណៈកំពុងចុះចត បណ្ដាលឲ្យមានអគ្គីភ័យឆាបឆេះយ៉ាងសន្ធោសន្ធៅ។
យោងតាមអ្នកនាំពាក្យប៉ូលិសនេប៉ាល់ លោក Manoj Neupane បានប្រាប់សារព័ត៌មាន BBC ថា មនុស្សប្រហែល ៦៧ នាក់ស្ថិតនៅលើយន្តហោះនោះ។ ទោះបីជាយ៉ាងណា មិនទាន់មានតួលេខជនរងគ្រោះ ឬអ្នកស្លាប់នៅឡើយទេ។
រូបថតជាច្រើនសន្លឹក រួមទាំងវីដេអូផងនោះ ត្រូវបានបង្ហោះចែកចាយនៅលើបណ្ដាញសង្គម បង្ហាញឲ្យឃើញ ផ្សែងខ្មៅយ៉ាងអួអាប់ហោះចេញពីព្រលានយន្តហោះខាងលើ។
យ៉ាងណាមិញ យន្តហោះរងគ្រោះត្រូវបានកំណត់អត្តសញ្ញាណនៅក្នុងប្រព័ន្ធផ្សព្វផ្សាយក្នុងស្រុកថាជាប្រភេទ Bombardier Dash 8 Q400 ស្ថិតក្នុងជើងហោះហើរ S2-AGU ប៉ុន្តែវាមិនទាន់ត្រូវបានគេបញ្ជាក់ជាផ្លូវការនៅឡើយទេ៕
សូមទស្សនាវីដេអូខាងក្រោម៖