មនុស្សប្រុស បើមាន៦ចំណុចនេះ ដឹងតែគេចង់បានធ្វើកូនប្រសាខ្លាំងបំផុត

2018-05-29 10:18:03
ស្នេហា

2018-05-29 10:18:03
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសភាគច្រើន ក្រោយពេលរៀបការរួចច្រើនទៅរស់នៅផ្ទះខាងស្រី ហើយការធ្វើជាកូនប្រសាប្រុសដែលម្ដាយក្មេកស្រឡាញ់ពេញចិត្តខ្លាំង គឺជារឿងមួយដែលបុរសភាគច្រើនចង់ដឹងដូចគ្នា។ ដូចនេះដើម្បីក្លាយជាកូនប្រសាប្រុសដ៏ល្អ គួរមានលក្ខណៈសម្បត្តិបែបណាខ្លះទៅ? ខាងក្រោមនេះជាការលើកឡើងរបស់ម្ដាយមួយចំនួនដែលមានកូនស្រី ហើយប្រាប់ពីលក្ខណៈសម្បត្តិរបស់កូនប្រសាប្រុស ដែលម្ដាយក្មេកទូទៅចង់បាន។

រូបតំណាង

១. មិនចេះប្រកាន់ខ្លួន

មិនថាម្ដាយក្មេកណាក៏ប្រាថ្នាចង់បានកូនប្រសាប្រុសមានលក្ខណៈសម្បត្តិបែបនេះដែរ។ កូនប្រសាប្រុសដែលមិនចេះប្រកាន់ខ្លួន គឺសំដៅទៅលើការចេះធ្វើការងារផ្ទះគ្រប់ប្រភេទនៅពេលដែលមានពេលនៅផ្ទះ មិនថាតែជាការចម្អិនម្ហូប រៀបចំលម្អគេហដ្ឋាន បោកគក់សំលៀកបំពាក់នោះទេ ពោលគឺមិនចេះប្រកាន់ខ្លួនឱ្យតែមានអ្វីគឺធ្វើហ្នឹង។

២. ផ្ដល់តម្លៃឱ្យសាច់ញាតិខាងស្រី

នៅត្រង់ចំណុចនេះពិតជាសំខាន់ណាស់ គ្មានម្ដាយក្មេកឯណាចង់បានកូនប្រសាប្រុសក្រអឺតក្រទម មិនស្គាល់សាច់ញាតិនោះទេ។ទាំងម្ដាយបង្កើត និងម្ដាយក្មេកប្រាកដជាមានមោទនភាព ដែលមានកូនប្រសាចេះគួរសមរាក់ទាក់ជាមួយសាច់ញាតិ ព្រោះនេះគឺជាការបង្ហាញអំពីសីលធម៌ ហើយអ្នកជិតខាង ឬសាច់ញាតិប្រាកដជាសរសើរថារើសកូនប្រសាប្រុសនេះពិតជាមិនខុសមែន។

៣. ជាបង្គោលដ៏រឹងមាំក្នុងគ្រួសារ

កូនប្រសាប្រុសដែលម្ដាយក្មេកពេញចិត្តនោះ គឺជាមនុស្សប្រុសពេញលក្ខណៈដ៏រឹងមាំម្នាក់មិនមែនទន់ជ្រាយនោះទេ។ កូនប្រសាប្រុសដែលជាបង្គោលរឹងមាំក្នុងគ្រួសារ មានន័យថា អាចជាពំនាក់អាស្រ័យរបស់គ្រួសារនៅពេលមានអាសន្នកើតឡើង ចេះដោះស្រាយបញ្ហាក្នុងគ្រួសារ អាចរត់បោលយប់ព្រលប់ពេលមានប្រពន្ធ ឬអ្នកណាឈឺថ្កាត់។ ដូច្នេះហើយប្រសិនបើមានលក្ខណៈសម្បត្តិបែបនេះហើយ ម្ដាយក្មេកណាក៏ស្រឡាញ់ដែរ។

៤. មិនមានមិត្តភក្ដិផឹកស៊ីច្រើន

មនុស្សប្រុសភាគច្រើនចូលចិត្តផឹកស៊ី ជាពិសេសមានមិត្តភក្ដិបនភឿន ខាងផឹកស៊ីច្រើន តែត្រូវចាំថា នៅពេលដែលទៅដណ្ដឹងកូនស្រីគេ បើគេស៊ើបដឹងពូកែរឿងផឹកស៊ីប្រាកដជាមិនចង់លើកកូនស្រីឱ្យនោះទេ។ មូលហេតុនេះ ព្រោះមនុស្សប្រុសដែលពូកែរឿផឹកស៊ីមិនសូវមានពេលវេលាឱ្យប្រពន្ធកូន លុយក៏សូវសល់ ហើយអាចបង្កជាអំពើហិង្សាចំពោះប្រពន្ធកូនទៀតផង។

រូបតំណាង

៥. ចេះអ្វីមួយឱ្យប្រាកដប្រជា

នៅត្រង់ចំណុចនេះ គឺមានន័យថា មុននឹងគេលើកកូនស្រីឱ្យទៅបុរសណាម្នាក់ គឺមើលទៅសមត្ថភាពដែរថា ចេះអ្វីឱ្យប្រាកដ បើរកស៊ីឱ្យច្បាស់រកស៊ី បើធ្វើការក៏ត្រូវមានការងារមួយច្បាស់លាស់មានស្ថិរភាព ទើបគេសម្រេចចិត្តផ្ញើវាសនាកូនស្រីឱ្យទៅបុរសម្នាក់នោះ។

៦.មានផែនការទៅថ្ងៃអនាគត

ផែនការនៅក្នុងគ្រួសារ គឺជារឿងសំខាន់ណាស់ ជាប្ដីដ៏ល្អ ជាកូនប្រសាប្រុសដ៏ល្អ គឺត្រូវចេះរៀបផែនការសម្រាប់ថ្ងៃអនាគត ថាចង់មានអ្វី ចង់ធ្វើអ្វីដើម្បីគ្រួសារមានភាពរីកចម្រើន៕

អត្ថបទ៖ វឌ្ឍនៈ