- 2018-06-15 06:41:37
- ព័ត៌មាន
ធ្លាយការពិត សិង្ហបុរីអាចចំណេញលុយកប់ក្ដោងពីកិច្ចប្រជុំអាមេរិក-កូរ៉េខាងជើង
- 2018-06-15 06:41:37
- ចំនួនមតិ 0 | ចំនួនចែករំលែក 0
ធ្លាយការពិត សិង្ហបុរីអាចចំណេញលុយកប់ក្ដោងពីកិច្ចប្រជុំអាមេរិក-កូរ៉េខាងជើង
ចន្លោះមិនឃើញ
សិង្ហបុរីត្រូវគេប៉ាន់ស្មានថា អាចទទួលបានប្រាក់ចំណូលជាង ៧០០ លានដុល្លារដោយធ្វើជាម្ចាស់ផ្ទះនៃកិច្ចប្រជុំកំពូលរវាងអាមេរិក និងកូរ៉េខាងជើងកាលពីពេលថ្មីៗនេះ។
យោងតាមអ្នកវិភាគព័ត៌មានវិទ្យាប្រព័ន្ធផ្សព្វផ្សាយឲ្យដឹងថា សិង្ហបុរីបានចំណាយប្រាក់ ២០លានដុល្លារសម្រាប់កិច្ចប្រជុំនេះដែលពាក់កណ្ដាលនៃលុយនេះ ត្រូវចំណាយលើការការពារសន្ដិសុខ និងតិចជាង ៥លានដុល្លារសម្រាប់សារព័ត៌មាន។ ប៉ុន្តែអ្វីដែលពួកគេទទួលបានគឺ ការផ្សព្វផ្សាយពីកន្លែង គីម ជុងអ៊ុនស្នាក់នៅឆ្នេរ ម៉ារីណា និងអគារខ្ពស់ៗជាច្រើនទៀតក្នុងសិង្ហបុរីនៅលើបណ្ដាសារព័ត៌មាន និងប្រព័ន្ធផ្សព្វផ្សាយល្បីៗជុំវិញពិភពលោក។
ក្រុមហ៊ុនស៊ើបការណ៍ពត៌មាន Meltwater បានប៉ាន់ស្មានថា ការផ្សាយពាណិជ្ជកម្មតាមប្រព័ន្ធអ៊ីនធឺណិតទូទាំងសកលលោករយៈពេល ៣ ថ្ងៃនេះ មានតម្លៃរហូតដល់ ២៧០ លានដុល្លារឯណោះ។ លើសពីនេះទៀត សណ្ឋាគារដែលកិច្ចប្រជុំកំពូលធ្វើឡើងបានទទួលការផ្សព្វផ្សាយយ៉ាងច្រើនលើសលប់ និងទាក់ទាញចំណាប់អារម្មណ៍ច្រើនទៀតផង។ ក្រៅពីនេះ សិង្ហបុរីអាចរកចំណូលបានយ៉ាងហោចណាស់ ៧,២ លានដុល្លារទៀត ពីក្រុមអ្នកសារព័ត៌មាន និងអង្គរក្សលើការស្នាក់នៅ និងហូបចុកផងដែរ។
គួរបញ្ជាក់ថា នាយករដ្ឋមន្ត្រីសិង្ហបុរីបានអះអាងថា កិច្ចប្រជុំកំពូលនេះត្រូវចំណាយសរុបប្រមាណ ២០ លានដុល្លារជាថវិការបស់រដ្ឋផ្ទាល់៕
ចុចអាន ៖
