- 2018-07-23 07:32:18
- ព័ត៌មាន
ដំណឹងបន្ទាន់! ទឹកទន្លេសេសាន ហក់ដល់កម្រិតកម្ពស់ ប្រកាសឲ្យប្រុងប្រយ័ត្នហើយ
- 2018-07-23 07:32:18
- ចំនួនមតិ 0 | ចំនួនចែករំលែក 0
ដំណឹងបន្ទាន់! ទឹកទន្លេសេសាន ហក់ដល់កម្រិតកម្ពស់ ប្រកាសឲ្យប្រុងប្រយ័ត្នហើយ
ចន្លោះមិនឃើញ
គិតត្រឹមម៉ោង ២ រសៀលថ្ងៃទី ២៣ ខែកក្កដា ឆ្នាំ ២០១៨ នេះ ទឹកទន្លេសេសាន ក្នុងខេត្តរតនគិរី បានបន្តជន់ឡើងដល់កម្ពស់ ៨ ម៉ែត្រ ដែលជាកម្រិតកម្ពស់ប្រកាសឱ្យប្រុងប្រយ័ត្នហើយ។ ពេលនេះ ទឹកបានលិចចូលតំបន់ទំនាបមួយចំនួននៅតាមដងទន្លេ។ នេះបើតាមការជូនដំណឹងទាន់ហេតុការណ៍របស់ក្រសួងធនធានទឹក និងឧតុនិយមនៅមុននេះបន្តិច។
សូមជម្រាបជូនថា នៅថ្ងៃនេះ ទឹកទន្លេសេសាន ក្នុងខេត្តរតនគិរី បាន និងកំពុងហក់ឡើងជាបន្តបន្ទាប់ ចាប់តាំងពីល្ងាចថ្ងៃទី ២២ ខែកក្កដា ឆ្នាំ ២០១៨ ។ គិតត្រឹមម៉ោង ១ រសៀលថ្ងៃទី ២៣ នេះ ទឹកទន្លេ បានកើនឡើងដល់កម្ពស់ ៧,៨០ ម (កម្រិតកម្ពស់ប្រកាសឱ្យប្រុងប្រយ័ត្ន ៨ ម) ។ នៅម៉ោង២រសៀលទឹកបានហក់ឡើងក្នុងកម្រិតកម្ពស់ប្រកាសឲ្យប្រុងប្រយ័ត្ន។ សូមបងប្អូនប្រជាពលរដ្ឋដែលរស់នៅតាមដងទន្លេសេសាន បង្កើនការប្រុងប្រយ័ត្នខ្ពស់ ខណៈទឹកនឹងបន្តកើនឡើងបន្ថែមទៀត៕
