- 2018-07-31 08:29:31
- ព័ត៌មាន
ចិន បង្កើតស្នាក់ការផ្ដល់ព័ត៌មាន ពីតំបន់ទេសចរណ៍ខេត្តល្បីមួយនៅកម្ពុជា ជាផ្លូវការ
- 2018-07-31 08:29:31
- ចំនួនមតិ 0 | ចំនួនចែករំលែក 0
ចិន បង្កើតស្នាក់ការផ្ដល់ព័ត៌មាន ពីតំបន់ទេសចរណ៍ខេត្តល្បីមួយនៅកម្ពុជា ជាផ្លូវការ
ចន្លោះមិនឃើញ
ក្វាងស៊ី ត្រូវបានពិភពលោកស្គាល់ថាជាខេត្តដ៏ធំ និងមានសក្ដានុពលផ្នែកទេសចរណ៍ខ្លាំងបំផុតមួយរបស់ចិន។ វាត្រូវបានគេកំណត់ដែរថាជាកន្លែងសោយសុខរបស់អ្នកចូលចិត្តតំបន់ទេសចរណ៍វប្បធម៌ ធម្មជាតិ និងស្ងប់ស្ងាត់។ ហេតុដូច្នេះ ទើបចិនស្វះស្វែងពង្រីកវិសាលភាពនៃតំបន់ទេសចរណ៍ខាងលើដោយបង្កើតមជ្ឈមណ្ឌលផ្ដល់ព័ត៌មានតាមទិសដៅទីផ្សារនានា ក្នុងនោះក៏មានកម្ពុជាផងដែរ។
កាលពីរសៀលថ្ងៃទី២៧ កក្កដា ២០១៨ គណៈកម្មាធិការទេសចរណ៍ចិនក្វាងស៊ី បានធ្វើពិធីសម្ពោធ "មជ្ឈមណ្ឌលផ្ដល់ព័ត៌មានផ្សព្វផ្សាយទេសចរណ៍ក្វាងស៊ីស្នាក់ការនៅកម្ពុជា" នៅស្ថានីយទូរទស្សន៍ Nice TV ដោយមានមន្ត្រីតំណាងក្រសួងទេសចរណ៍ពីកម្ពុជា និងភាគីពាក់ព័ន្ធសរុបប្រមាណ ៥០ រូបចូលរួមជាសាក្សី។
លោកស្រី HU JING BO អគ្គនាយករងនៃគណៈកម្មាធិការទេសចរណ៍ចិនក្វាងស៊ីបានមានប្រសាសន៍ថា ការរៀបចំមជ្ឈមណ្ឌលនេះ គឺដើម្បីជួយជំរុញឲ្យកិច្ចសហប្រតិបត្តិទេសចរណ៍ និងមិត្តភាពរបស់កម្ពុជា-ចិនក្វាងស៊ីកាន់តែល្អប្រសើរ និងកំណើនការផ្លាស់ប្ដូររបស់វិស័យទេសចរនៃតំបន់ទាំង២។
លោក ប្រាក់ វុទ្ធី អនុប្រធាននាយកដ្ឋានសិក្សាទីផ្សារ និងផ្សព្វផ្សាយទេសចរណ៍ក្រៅប្រទេសបានលើកឡើងថា ការបង្កើតឲ្យមានមជ្ឈមណ្ឌលនេះគឺជាសញ្ញាដ៏សំខាន់មួយក្នុងការបញ្ហាឲ្យឃើញថា ប្រជាពលរដ្ឋកម្ពុជាអាចស្វែងយល់កាន់តែច្រើនអំពីវិស័យទេសចរណ៍វប្បធម៌ក្វាងស៊ី ក៏ដូចជាការជំរុញឲ្យសហប្រតិបត្តិការក្នុងការផ្សព្វផ្សាយ ការទទួលស្វាគមន៍ភ្ញៀវទេសចរ ការពង្រីកទីផ្សាររួមគ្នា និងផ្នែកផ្សេងៗទៀតរវាងកម្ពុជា និងចិនក្វាងស៊ីកាន់តែស៊ីជម្រៅថែមមួយកំរិតទៀត។
នៅក្នុងកម្មវិធីនេះ គណៈកម្មាធិការទេសចរណ៍ចិនក្វាងស៊ី បានប្រគល់សិទ្ធជាម្ចាស់ "មជ្ឈមណ្ឌលផ្តល់ព័ត៌មានផ្សព្វផ្សាយទេសចរណ៍ក្វាងស៊ីស្នាក់ការនៅកម្ពុជា" ដែលមានទីតាំងក្នុងអាគារពាណិជ្ជកម្ម Exchange Sqaure ជាន់ទី១ ទៅដល់ក្រុមហ៊ុន Mekong Discovery ជាអ្នកគ្រប់គ្រង។
ក្វាងស៊ី ជាតំបន់ស្វយ័តមួយរបស់ចិនដែលមាន ៥ ជនជាតិភាគតិចរស់នៅ ជាមួយប្រពៃណីសម្បូរបែប សណ្ឋានដីដ៏ពិសេស អមជាមួយវប្បធម៌បុរាណដ៏អស្ចារ្យ។ នៅទីនោះ អ្នកអាចធ្វើដំណើរកម្សាន្តផ្ទាល់ជាមួយទេសភាពធម្មជាតិ ទំនៀមទម្លាប់ជនជាតិ ស្វែងយល់ពីព្រំដែនរវាងចិននិងវៀតណាម ការសម្រាកលំហែថែរក្សាសុខភាព វិស្សមកាលរ៉ូមេនទិចតាមឆ្នេរសមុទ្រ អេកូឡូស៊ីប្រវត្តិសាស្ត្រ និងវប្បធម៌។ល៕