- 2018-09-01 01:51:14
- ចរាចរណ៍
រាជធានីភ្នំពេញត្រៀមប្រែមុខមាត់ថ្មី ផ្លូវសំខាន់ៗទាំងនេះនឹងមានសម្រស់ស្អាតបំផុត
- 2018-09-01 01:51:14
- ចំនួនមតិ 0 | ចំនួនចែករំលែក 0
រាជធានីភ្នំពេញត្រៀមប្រែមុខមាត់ថ្មី ផ្លូវសំខាន់ៗទាំងនេះនឹងមានសម្រស់ស្អាតបំផុត
ចន្លោះមិនឃើញ
កន្លងមករដ្ឋបាលរាជធានីភ្នំពេញធ្លាប់បានបញ្ចេញប្លង់មួយចំនួនរួចមកហើយ អំពីការរៀបចំខឿនចិញ្ចើម ខឿនស៊ុមដើមឈើ និងក្រាលការឺឡាថ្មី ការឺឡាសម្រាប់ជនពិកា នៅមហាវិថីព្រះនរោត្ដមឲ្យស្របតាមបទដ្ឋានបច្ចេកទេស និងមានសោភ័ណភាពដល់ចិញ្ចើមផ្លូវទាំងសង្ខាង។ ដោយឡែកកាលពីថ្មីៗនេះ ប្លង់មួយចំនួនទៀតបានបញ្ចេញជាបន្តបន្ទាប់ អំពីការរៀបចំដាំដើមឈើ និងការរៀបចំចិញ្ចើមផ្លូវនៅតាមវិថីសំខាន់ៗនានាដែលមិនទាន់បានបញ្ចេញឈ្មោះ និងមហាវិថីព្រះនរោត្ដម។
កាលពីខែមករា ឆ្នាំ២០១៨ រដ្ឋបាលរាជធានីភ្នំពេញ មានគម្រោងដាំដើមឈើ ឱ្យបានច្រើនក្នុងរាជធានីភ្នំពេញ ដោយគម្រោងនេះ ត្រូវបានលើកឡើងក្នុងកិច្ចប្រជុំស្ដីពី "ការរៀបចំ Master Plan ដាំដើមឈើក្នុងរាជធានីភ្នំពេញ"។ តាមប្រសាសន៍របស់ឯកឧត្ដម ឃួង ស្រេង អភិបាលរាជធានីភ្នំពេញ បានលើកឡើងថា ការដាំដើមឈើ និងរៀបចំចិញ្ចើមផ្លូវនៅរាជធានីភ្នំពេញ ដើម្បីលើកសម្រស់រាជធានីឲ្យមានសោភណភាពស្រស់បំព្រង។ ជាពិសេសនោះ គឺជួយកាត់បន្ថយការបំពុលបរិស្ថាន តាមរយៈការបញ្ចេញផ្សែងពីយានជំនិះ។
ដោយឡែកមហាវិថីព្រះនរោត្ដមវិញ បានរៀបចំខឿនចិញ្ចើមផ្លូវនេះ តាំងពីថ្ងៃទី១៤ ខែមិថុនា ឆ្នាំ២០១៨មកម្ល៉េះ ចាប់ពីរង្វង់មូលវិមានឯករាជ្យ ដល់រមណីយដ្ឋានវត្តភ្នំ។ ទន្ទឹមនឹងនេះអាជ្ញាធរពាក់ព័ន្ធទាំងអស់ក៏សូមអធ្យាស្រ័យពីសំណាក់បងប្អូនប្រជាពលរដ្ឋដែលរស់នៅតាមមហាវិថី ដែលត្រូវធ្វើការរៀបចំចិញ្ចើមផ្លូវ និងដាំដើមឈើ ចំពោះការរំខានដល់សកម្មភាពចរាចរណ៍ និងផលប៉ះពាល់ផ្សេងៗដែលអាចកើតមានឡើង ដើម្បីឲ្យការអនុវត្តគម្រោងបានតាមផែនការកំណត់៕
