- 2018-12-02 03:42:57
- ព័ត៌មាន
អាយុ៥ឆ្នាំ តែអាចបំបែកកំណត់ត្រាដោយអាវ៉ង់បានជាង៣ពាន់ដង បានរង្វាន់ច្រើនស្មានមិនដល់
- 2018-12-02 03:42:57
- ចំនួនមតិ 0 | ចំនួនចែករំលែក 0
អាយុ៥ឆ្នាំ តែអាចបំបែកកំណត់ត្រាដោយអាវ៉ង់បានជាង៣ពាន់ដង បានរង្វាន់ច្រើនស្មានមិនដល់
ចន្លោះមិនឃើញ
ក្មេងប្រុសម្នាក់ដែលមានអាយុទើប៥ឆ្នាំ បានបំបែកកំណត់ត្រាពិភពលោកចំនួន៥ ដោយបានលើកទម្ងន់ខ្លួន (អាវ៉ង់) ចំនួន ៣ ២០២ ដងជាប់ៗគ្នា។
កុមារដែលមានឈ្មោះថា Rakhim Kurayev មកពីឆេកណៀ បានធ្វើរឿងភ្ញាក់ផ្អើលមិនគួរឲ្យជឿ ដោយអាវ៉ង់បានជាង ៣ពាន់ដង ក្នុងរយៈពេលប្រមាណជាង ២ម៉ោង ៣០នាទី (ឥតឈប់)។
Rakhim បានឈ្នះរង្វាន់ឡាន Mercedes មួយគ្រឿងមានតម្លៃជាង ៣៥ ០០០ ដុល្លារ រួមនឹងការទៅហាងលក់សម្ភារៈក្មេងលេងដែលកុមារដែលកំពុងរៀនថ្នាក់មត្តេយ្យរូបនេះអាចយកអ្វីក៏បាន។
Ramzan Kadyrov ដែលជាគណៈកម្មាធិការក្នុងការប្រកួតនេះបាននិយាយថា អាវ៉ង់បានជាង៣ពាន់ដងនេះ កុមារ Rakhim បានបំបែកកំណត់ត្រាពិភពលោកចំនួន៥ផ្សេងទៀត។
Kadyrov បាននិយាយថាក្មេងមត្តេយ្យនេះ អាវ៉ង់បាន ១ ០០០ ដោយប្រើពេល ៤០នាទី៥៧វិនាទី អាវ៉ង់បាន២ ០០០ ប្រើពេល ១ម៉ោង៣០នាទី ហើយ អាវ៉ង់បាន ៣ ០០០ ដោយប្រើពេល ២ម៉ោង ២២នាទី។
Kadryov បានបន្ថែមថា តាមពិតនៅពេល Rakhim អាវ៉ង់លើកទី១ កុមារតូចនេះអាចអាវ៉ង់បានដល់ទៅ ៤ ១០៥ លើកក្នុងរយៈពេល ២ម៉ោង ២៥នាទី ប៉ុន្តែមិនត្រូវបានរាប់ដោយសារការថតមានបញ្ហា។
សូមទស្សនាវីដេអូខាងក្រោម៖