- 2018-12-05 02:16:06
- ចរាចរណ៍
ផ្លូវខេត្តកំពត ពលរដ្ឋធ្វើដំណើរទាំងរង្គើរខ្លួនរាល់ថ្ងៃ បន្តិចទៀតលែងពិបាកហើយ
- 2018-12-05 02:16:06
- ចំនួនមតិ 0 | ចំនួនចែករំលែក 0
ផ្លូវខេត្តកំពត ពលរដ្ឋធ្វើដំណើរទាំងរង្គើរខ្លួនរាល់ថ្ងៃ បន្តិចទៀតលែងពិបាកហើយ
ចន្លោះមិនឃើញ
ស្ថានភាពផ្លូវជាតិលេខ៣ ក្នុងភូមិសាស្ត្រខេត្តកំពត បានបង្កការលំបាកយ៉ាងខ្លាំង ដល់ប្រជាពលរដ្ឋក្នុងការធ្វើដំណើរ អស់រយៈពេលជាច្រើនខែមកហើយ។ មានប្រជាពលរដ្ឋជាច្រើន ពិសេសអ្នកលេងបណ្ដាញសង្គម មានការរិះគន់ជាបន្តបន្ទាប់ និងទទូចស្នើឲ្យមានការជួសជុលឲ្យប្រសើរឡើងវិញ។
ពាក់ព័ន្ធនឹងបញ្ហានេះ កាលពីថ្ងៃទី៣ ខែធ្នូ ឆ្នាំ២០១៨ កន្លងទៅឯកឧត្តម ជាវ តាយ អភិបាលខេត្តកំពត បានទទួលជួបក្រុមហ៊ុនចិន ដែលទទួលវិនិយោគសាងសង់ផ្លូវជាតិលេខ៣ ក្នុងភូមិសាស្ត្រខេត្តកំពត ដើម្បីស្វែងរកបញ្ហាប្រឈម និងដំណោះស្រាយ ដល់ក្រុមហ៊ុនធ្វើយ៉ាងណាពន្លឿនការសាងសង់ ចាប់ពីក្រុងកំពត រហូតដល់ចំណុចផ្លូវបំបែកផ្លូវជាតិលេខ៤១ (រូបសំណាកលោកយាយម៉ៅ) ឲ្យបានរួចរាល់មុនឱកាស នៃពិធីបុណ្យចូលឆ្នាំថ្មីប្រពៃណីជាតិខ្មែរខាងមុខ។
បន្ទាប់មក ឯកឧត្តមអភិបាលខេត្ត បានទទួលជួប ប្រតិភូវិនិយោគមួយក្រុមទៀតសាងសង់ចាប់ពីក្បាលស្ពានកំពង់បាយត្រើយខាងលិចទៅភ្ជាប់ផ្លូវជាតិលេខ៤ វាលរិញ ខេត្តព្រះសីហនុ។ ដោយស្នើឲ្យក្រុមហ៊ុន ពន្លឿនការសាងសង់ ចាប់ពីគល់ស្ពានត្រើយខាងលិច ប្រវែង២គីឡូម៉ែត្រ ឲ្យរួចរាល់នៅចុងឆ្នាំ២០១៨ ឆាប់ៗខាងមុខនេះ៕