- 2019-02-21 10:19:14
- ព័ត៌មាន
ក្រសួងឲ្យមន្ត្រីត្រៀមម៉ាស៊ីនបូមទឹកបាញ់ចូលបរិយាកាស បង្កើតអុកស៊ីសែនដល់ត្រី
- 2019-02-21 10:19:14
- ចំនួនមតិ 0 | ចំនួនចែករំលែក 0
ក្រសួងឲ្យមន្ត្រីត្រៀមម៉ាស៊ីនបូមទឹកបាញ់ចូលបរិយាកាស បង្កើតអុកស៊ីសែនដល់ត្រី
ចន្លោះមិនឃើញ
ក្រសួងកសិកម្មចេញវិធានការណ៍មួយចំនួនឲ្យមន្ត្រីរបស់ខ្លួនត្រៀមសង្គ្រោះត្រីក្នុងតំបន់អភិរក្សខណៈកម្ពុជានឹងរងឥទ្ធិពលអែលនីណូ (El Nino) ដែលអាចធ្វើឲ្យអាកាសធាតុនារដូវប្រាំងនេះក្តៅហួតហែង និងមានសីតុណ្ហភាពរហូតដល់៤០ ឬ៤២អង្សាសេ។
បើតាមសេចក្ដីណែនាំរបស់ក្រសួងកសិកម្មចុះថ្ងៃទី២១ ខែកុម្ភៈ នេះ បាតុភូតុអែលនីណូនឹងធ្វើឲ្យទឹកនៅតាមបឹង ព្រែក គោករីងរាក់ និងធ្វើឲ្យបរិមាណអុកស៊ីសែនក្នុងទឹកមិនគ្រប់គ្រាន់ធ្វើឲ្យត្រីពិបាកដកដង្ហើម។
ដើម្បីដោះស្រាយបញ្ហានេះ និងការពារកុំឲ្យត្រីងាប់ ក្រសួងណែនាំមន្ត្រីរបស់ខ្លួនឲ្យត្រៀមម៉ាស៊ីនបូមទឹកទុកបូមទឹកទៅលើបរិយាកាសឲ្យធ្លាក់លើបន្ទះក្ដារ ដើម្បីបង្កើតអុកស៊ីសែនក្នុងទឹកឲ្យត្រីក្នុងតំបន់អភិរក្សដកដង្ហើម។
វិធានការណ៍មួយទៀតដែរក្រសួងក៏បានណែនាំមន្ត្រីរបស់ខ្លួនឲ្យប្រើកំផ្លោកចងព័ន្ធនៅអន្លង់ជ្រៅៗ ឬពង្រាយកំផ្លោកនៅតំបន់អភិរក្សសម្រាប់ជាជម្រកត្រី។ រីឯវិធានគារណ៍មួយទៀតដែរនោះគឺក្រសួងណៃនាំមន្ត្រីត្រូវទប់ស្កាត់ឲ្យបាន កុំឲ្យមានការលួចនេសាទត្រីនៅតំបន់អភិរក្សជលផល៕