- 2019-03-01 02:55:00
- ចរាចរណ៍
គិតទៅលឿនមែន! ជប៉ុនគោរពសន្យាជួសជុលស្ពានជូនកម្ពុជាឲ្យទាន់ពេលវេលា (មានវីដេអូ)
- 2019-03-01 02:55:00
- ចំនួនមតិ 0 | ចំនួនចែករំលែក 0
គិតទៅលឿនមែន! ជប៉ុនគោរពសន្យាជួសជុលស្ពានជូនកម្ពុជាឲ្យទាន់ពេលវេលា (មានវីដេអូ)
ចន្លោះមិនឃើញ
ស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) គ្រោងនឹងដាក់អោយដំណើរការជាបណ្ដោះអាសន្ន ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ ក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ។ នេះបើតាមទំព័រហ្វេសប៊ុករបស់ក្រសួងសាធារណការ និងដឹកជញ្ជូន។
គម្រោងស្តាឡើងវិញស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) ជាជំនួយឥតសំណងរបស់រដ្ឋាភិបាលជប៉ុន ដែល ត្រូវបានចុះហត្ថលេខា នៅថ្ងៃទី៣១ ខែមីនា ឆ្នាំ២០១៦។
សូមទស្សនាវីដេអូរបស់ក្រសួងសាធារណការ និងដឹកជញ្ជូនស្ដីពីដំណើរការជួសជុលស្ពានមិត្តភាពកម្ពុជា-ជប៉ុន (ស្ពានជ្រោយចង្វារ ទី១)
គម្រោងនេះបានចាប់ផ្ដើមការជួសជុលសាងសង់នៅថ្ងៃទី១៥ ខែកញ្ញា ឆ្នាំ២០១៧ ដោយមានក្រុមហ៊ុន Obayashi ជាក្រុម ហ៊ុនទទួលបានសិទ្ធិក្នុងការជួសជុលសាងសង់ និងក្រុមហ៊ុន Central Consultant Inc ជាក្រុមហ៊ុនទីប្រឹក្សាបច្ចេកទេស។
បើតាមប្រភពពីស្ថានទូតជប៉ុនបានឲ្យដឹងទៀតថា ជប៉ុននឹងប្រើបច្ចេកវិទ្យាទំនើប ធ្វើការសម្អាត ក្រោយពីការជួសជុលរួចរាល់ ដោយមិនមានការបំពុលទៅដល់បរិស្ថានទៀតផង។
កម្មករជំនាញជនជាតិជប៉ុន និងខ្មែរខិតខំជួសជុលស្ពានជ្រោយចង្វារចាស់ទាំងយប់ទាំងថ្ងៃគ្មានសម្រាក ឥឡូវដើមឆ្នាំ២០១៩នេះ គម្រោងនេះសម្រេចបាន៩៣ ភាគរយ លឿនជាងការគ្រោងទុក១៤ភាគរយ។ នេះបើតាមទំព័រហ្វេសប៊ុករបស់ក្រសួងសាធារណការ និងដឹកជញ្ជូន។
សូមរំលឹកថា ផ្អែកលើកិច្ចព្រមព្រៀង រវាងរដ្ឋាភិបាលប្រទេសទាំងពីរ គម្រោងនេះគ្រោងនឹងបញ្ចប់នៅថ្ងៃទី១៤ ខែមិថុនា ឆ្នាំ២០១៩ ប៉ុន្តែដោយសារការអនុវត្តគម្រោងនេះលឿនជាងការគ្រោងទុក ស្ពាននេះនឹងបើកឲ្យធ្វើចរាចរណ៍បណ្ដោះអាសន្ននៅពេលបុណ្យចូលឆ្នាំខ្មែរខាងមុខនេះ៕