- 2019-03-16 08:49:01
- ព័ត៌មាន
ត្រជាក់វិញហើយ! ត្រៀមឆ័ត្រវិញម្ដង ភ្លៀងកក់ខែចាប់ផ្ដើមធ្លាក់នៅសប្ដាហ៍ក្រោយហើយ
- 2019-03-16 08:49:01
- ចំនួនមតិ 0 | ចំនួនចែករំលែក 0
ត្រជាក់វិញហើយ! ត្រៀមឆ័ត្រវិញម្ដង ភ្លៀងកក់ខែចាប់ផ្ដើមធ្លាក់នៅសប្ដាហ៍ក្រោយហើយ
ចន្លោះមិនឃើញ
ក្រសួងធនធានទឹកនារសៀលនេះឲ្យដឹងថាចាប់ពីថ្ងៃទី២១ ដល់ទី២៤ ខែមីនា ខាងមុខនេះនៅតាមបណ្ដាខេត្តមួយចំនួននឹងមានធ្លាក់ភ្លៀងកក់ខែ ហើយសីតុណ្ហភាពក៏ធ្លាក់ចុះបន្តិចផងដែរ។
ក្នុងសេចក្ដីជូនដំណឹងមួយចេញផ្សាយនៅរសៀលនេះ ក្រសួងធនធានទឹកថាចាប់ពីថ្ងៃទី២១ ដល់២៤ ខែមីនា រាជធានីភ្នំពេញ ព្រៃវែង ស្វាយរៀង ក្រចេះ ស្ទឹងត្រែង ត្បូងឃ្មុំ កំពង់ចាម កណ្ដាល តាកែវ កំពង់ធំ កំពង់ស្ពឺ កំពង់ឆ្នាំ និងពោធិ៍សាត់ នឹងមានភ្លៀងកក់ខែ ព្រមជាមួយនឹងខ្យល់កន្ត្រាក់ និងរន្ទះផងដែរ។
ដោយឡែកពីថ្ងៃទី២៣ ដល់២៤ នៅខេត្តបាត់ដំបង សៀមរាប ប៉ៃលិន បន្ទាយមានជ័យ ឧត្ដរមានជ័យ និងព្រះវិហារនឹងមានភ្លៀងកក់ខែ ព្រមជាមួយនឹងខ្យល់កន្ត្រាក់ និងរន្ទះដូចគ្នា។ ចំណែកសីតុណ្ហភាពនៅខេត្តទាំងនេះវិញ ចាប់ពីថ្ងៃទី២១ ដល់២៤ ខែមីនា ក៏នឹងធ្លាក់ចុះបន្តិចផងដែរ។
ចំណែកកម្រិតសីតុណ្ហភាពក្នុងក្រមខណ្ឌទូទាំងប្បរទេសវិញនឹងមាននៅកម្រិតទាបបំផុតត្រឹម២៥ទៅ២៧ អង្សាសេ និងក្ដៅបំផុតនៅត្រឹម៣២ទៅ៣៥អង្សាសេ៕