- 2019-03-24 02:06:43
- ព័ត៌មាន
រន្ធត់ណាស់! ផ្ទុះរោងចក្រគីមីនៅចិន អ្នកស្លាប់កើនជាង ៦០នាក់
- 2019-03-24 02:06:43
- ចំនួនមតិ 0 | ចំនួនចែករំលែក 0
រន្ធត់ណាស់! ផ្ទុះរោងចក្រគីមីនៅចិន អ្នកស្លាប់កើនជាង ៦០នាក់
ចន្លោះមិនឃើញ
ចំនួនអ្នកស្លាប់ដោយសារការផ្ទុះរោងចក្រគីមីក្នុងទីក្រុង Yancheng ប្រទេសចិន បានកើនឡើងរហូតដល់ ៦៤នេះ។
ហេតុការណ៍ដ៏អាក្រក់នេះ បានកើតឡើងកាលពីថ្ងៃព្រហស្បតិ៍នៅរោងចក្រគីមី Tianjiayi ភាគខាងកើតទីក្រុង Yancheng ដែលបង្កឲ្យមានអ្នករបួសរាប់រយនាក់ផ្សេងទៀត។ វាត្រូវបានគេចាត់ទុកថាជាគ្រោះថ្នាក់ដ៏អាក្រក់បំផុតមួយនៅឧស្សហកម្មក្នុងរយៈពេលប៉ុន្មានឆ្នាំចុងក្រោយនេះ។ ការផ្ទុះនេះ មានកម្លាំងខ្លាំងបំផុតដែលបង្កឲ្យមានការរញ្ជួយដីកម្រិតស្រាល និងជះឥទ្ធិពលជាង ៤គីឡូម៉ែត្រពីកន្លែងកើតហេតុ។
ជាមួយគ្នាដែរ ក្រុមអ្នកជួយសង្គ្រោះរាប់រយនាក់ ត្រូវបានបញ្ជូនទៅកាន់កន្លែងកើតហេតុ និងជម្លៀសប្រជាជនជាង ៤ ០០០នាក់ចេញផងដែរ។ ចំណែកឯប្រជាជនជាង ៦០០នាក់ ត្រូវបានទទួលការព្យាបាលខណៈដែលអ្នកខ្លះបង្ខំចិត្តបោះបង់ចោលផ្ទះរបស់ពួកគេទាំងស្រុងដោយសារការបំផ្លិចបំផ្លាញ និងការប៉ះពាល់ពីសារធាតុគីមី។
ក្រោយកើតហេតុ អាជ្ញាធរក្នុងតំបន់កំពុងធ្វើការស៊ើបអង្កេតពីមូលហេតុដែលបណ្ដាលឲ្យមានការផ្ទុះនេះខណៈពេលដែលមនុស្សជាច្រើននាក់ត្រូវបានសាកសួរ។ គួរឲ្យដឹងថា រោងចក្រគីមី Tianjiayi នេះធ្លាប់រំលោភបំពានបទបញ្ញត្តិទាក់ទងនឹងបរិស្ថានម្ដងរួចមកហើយកាលពីឆ្នាំ ២០០៧៕