- 2019-03-27 09:30:20
- ព័ត៌មាន
ទុក្ខជាន់លើទុក្ខ! ស្លាប់យ៉ាងហោច ៧នាក់ ក្រោយឡានក្រុងបុករះក្បួនហែរសពនៅវៀតណាម
- 2019-03-27 09:30:20
- ចំនួនមតិ 0 | ចំនួនចែករំលែក 0
ទុក្ខជាន់លើទុក្ខ! ស្លាប់យ៉ាងហោច ៧នាក់ ក្រោយឡានក្រុងបុករះក្បួនហែរសពនៅវៀតណាម
ចន្លោះមិនឃើញ
យ៉ាងហោចណាស់ មនុស្ស៧នាក់ត្រូវបានស្លាប់ក្រោយពេលដែលរថយន្ដក្រុងដឹកអ្នកដំណើរមួយគ្រឿងបុករះក្បួនដង្ហែសពនៅខេត្ត Vinh Phuc ប្រទេសវៀតណាមនាព្រឹកថ្ងៃពុធទី២៧ខែមីនា។
យោងតាមគណកម្មាធិការជាតិសុវត្ថិភាពចរាចរឲ្យដឹងថា ហេតុការណ៍នេះបានកើតឡើងកាលតាមផ្លូវជាតិ 2C សង្កាត់ Yen Lac នៅវេលាម៉ោងប្រមាណ ៥ព្រឹក។ មុនពេលកើតហេតុ រថយន្ដក្រុងមួយគ្រឿងធ្វើដំណើរពីខេត្ត Dien Bien ទៅកាន់ទីក្រុង Lap Thach ប៉ុន្តែពេលមកដល់កន្លែងកើតហេតុក៏ស្រាប់តែបុករះក្បួនដង្ហែសពតែម្ដង។ យោងតាមអ្នកភូមិនៅក្បែរកន្លែងកើតហេតុឲ្យដឹងថា ហេតុការណ៍នេះអាចបណ្ដាលមកពីចុះអ័ព្ទខ្លាំងពេកជាហេតុធ្វើឲ្យអ្នកបើកបរពិបាកមើលផ្លូវ។
យ៉ាងណាមិញ ឧបនាយរដ្ឋមន្ត្រីវៀតណាម បានចេញមុខសម្ដែងការសោកស្ដាយជាខ្លាំងចំពោះក្រុមគ្រួសារនៃជនរងគ្រោះដែលបានបាត់បង់ជីវិត និងបញ្ជាឲ្យមន្ត្រីក្នុងមូលដ្ឋានចុះស៊ើបអង្កេតពីមូលហេតុពិតប្រាកដដែលបណ្ដាលឲ្យមានគ្រោះថ្នាក់ដ៏អាក្រក់នេះកើតឡើង៕
