- 2019-04-11 01:56:01
- ព័ត៌មាន
ស្លាប់យ៉ាងហោច ២នាក់ ក្រោយភ្លើងឆាបឆេះផ្សារទំនើបនៅកណ្ដាលក្រុងបាងកក (មានវីដេអូ)
- 2019-04-11 01:56:01
- ចំនួនមតិ 0 | ចំនួនចែករំលែក 0
ស្លាប់យ៉ាងហោច ២នាក់ ក្រោយភ្លើងឆាបឆេះផ្សារទំនើបនៅកណ្ដាលក្រុងបាងកក (មានវីដេអូ)
ចន្លោះមិនឃើញ
អគ្គីភ័យមួយ បានឆាបឆេះនៅផ្សារទំនើបក្នុងទីក្រុងបាងកកប្រទេសថៃកាលពីល្ងាចថ្ងៃពុធទី ១០ ខែមេសាដែលបណ្ដាលឲ្យមនុស្សយ៉ាងហោច ២នាក់ស្លាប់និងជាងដប់នាក់ទៀតរងរបួស។
យោងតាមសេចក្ដីថ្លែងការណ៍មួយចេញដោយផ្សារទំនើប Central World ឲ្យដឹងថាអគ្គីភ័យចាប់ផ្ដើមឆាបឆេះឡើងនៅវេលាម៉ោងប្រមាណ ៥:៤០នាទីល្ងាចដែលផ្ដើមចេញពីបន្ទប់ដាក់ឯកសារនៅជាន់ទី ៨។ ក្រុមពន្លត់អគ្គីភ័យ ត្រូវបានបញ្ជូនទៅកាន់កន្លែងកើតហេតុភ្លាមៗ ខណៈដែលមនុស្សជាច្រើននាំគ្នារត់ចេញពីអគារ។ យ៉ាងណាមិញ ក្រុមពន្លត់អគ្គីភ័យចំណាយពេលប្រមាណ ៣០នាទីដើម្បីគ្រប់គ្រងស្ថានការណ៍ ប៉ុន្តែគួរឲ្យសោកស្ដាយមនុស្សពីរនាក់បានស្លាប់ក្នុងហេតុការណ៍នេះ ហើយក្រុមហ៊ុនអះអាងថាជនរងគ្រោះជាបុគ្គលិកនៅទីនោះផ្ទាល់។
គួរឲ្យដឹងថា ហេតុការណ៍អគ្គីភ័យឆាបឆេះអគារផ្សារទំនើបដ៏ល្បីក្នុងទីក្រុងបាងកកនេះ បានកើតឡើងរយៈពេលប៉ុន្មានថ្ងៃប៉ុណ្ណោះមុនពេលប្រជាជនថៃប្រារព្ធសង្ក្រាន្តចាប់ពីថ្ងៃទី ១៣ដល់ ១៥ខែមេសានេះ៕
សូមទស្សនាវីដេអូខាងក្រោម ៖
