/5ce4c65e9a7a2_1558496820_medium.jpg)
- 2019-05-22 03:50:24
- ព័ត៌មាន
ពេទ្យឯកជនមួយនៅថៃ ប្រឈមទោសធ្ងន់កក្រោយយកថ្លៃព្យាបាលអ្នកជំងឺច្រើនហួសហេតុ
- 2019-05-22 03:50:24
- ចំនួនមតិ 0 | ចំនួនចែករំលែក 0
ពេទ្យឯកជនមួយនៅថៃ ប្រឈមទោសធ្ងន់កក្រោយយកថ្លៃព្យាបាលអ្នកជំងឺច្រើនហួសហេតុ
ចន្លោះមិនឃើញ
មន្ទីរពេទ្យឯកជនមួយកន្លែងក្នុងប្រទេសថៃ កំពុងប្រឈមមុខនឹងទោសធ្ងន់ធ្ងរក្រោយពេលដែលយកថ្លៃព្យាបាលអ្នកជំងឺច្រើនហួសហេតុ។
យោងតាមនាយកដ្ឋានពាណិជ្ជកម្មផ្ទៃក្នុងឲ្យដឹងកាលពីម្សិលមិញថា មន្ទីរពេទ្យឯកជនមួយកន្លែង បានយកថ្លៃព្យាបាលអ្នកជំងឺរហូតដល់ជាង ៣០ ០០០បាត (ជិត ១ ០០០ដុល្លារ) សម្រាប់ការព្យាបាលជំងឺរាករូសធម្មតាប៉ុណ្ណោះ។ ជនរងគ្រោះ បានទូរស័ព្ទមកប្ដឹងនាយកដ្ឋានហើយសុំឲ្យមានការបកស្រាយឲ្យបានច្បាស់លាស់ពីខាងមន្ទីរពេទ្យ។ តាមរយៈការពិនិត្យវិក្កយបត្រ នាយកដ្ឋានរកឃើញថាមន្ទីរពេទ្យ បានទាមទារព្យាបាលអ្នកជំងឺជាច្រើនមុខដែលតាមពិតវាមិនចាំបាច់នោះទេ។ យ៉ាងណាមិញ ខាងនាយកដ្ឋានពាណិជ្ជកម្មផ្ទៃក្នុង សុំមិនទាន់បញ្ចេញឈ្មោះមន្ទីរពេទ្យនៅឡើយទេដើម្បីធ្វើការស្រាវជ្រាវបន្ដទៀតពាក់ព័ន្ធនឹងបណ្ដឹងរបស់ជនរងគ្រោះ។
ជាមួយគ្នា ប្រភពដដែលបន្ដថា ប្រសិនបើរកឃើញថាមានទោសពិតប្រាកដមែន ខាងមន្ទីរពេទ្យឯកជនមួយនេះ នឹងប្រឈមការផាកពិន័យរហូតដល់ ១៤០ ០០០បាត (ជាង ៤ ០០០ដុល្លារ) សម្រាប់ការយកថ្លៃសេវាកម្មហួសហេតុដែលផ្ទុយពីការកំណត់ស្តង់ដាររបស់នាយកដ្ឋាន៕
