/5ce61154d20ab_1558581540_medium.jpg)
- 2019-05-23 03:21:30
- ព័ត៌មាន
ក្រុមហ៊ុនអាកាសចរចិនធំៗ ៣ ទាមទារឲ្យ Boeing សងសំណងក្រោយផ្អាកជើងយន្ដហោះ 737
- 2019-05-23 03:21:30
- ចំនួនមតិ 0 | ចំនួនចែករំលែក 0
ក្រុមហ៊ុនអាកាសចរចិនធំៗ ៣ ទាមទារឲ្យ Boeing សងសំណងក្រោយផ្អាកជើងយន្ដហោះ 737
ចន្លោះមិនឃើញ
ក្រុមហ៊ុនអាកាសចរធំៗចំនួន ៣ក្នុងប្រទេសចិន បាននិងកំពុងទាមទារសំណងពីក្រុមហ៊ុនអាមេរិក Boeing ក្រោយពេលដែលខ្លួនផ្អាកជើងហោះហើរទាំងអស់នៃយន្ដហោះ Boeing 737 Max 8 ដោយសារមានបញ្ហាបច្ចេកទេស។
យោងតាមរបាយការណ៍ពីសារព័ត៌មានរដ្ឋចិនឲ្យដឹងថា ក្រុមហ៊ុនអាកាសចរ Air China, China Southern និង China Eastern បានដាក់ពាក្យបណ្ដឹងទាមទារសំណងពីក្រុមហ៊ុន Boeing។ ក្រុមហ៊ុនអាកាសចរទាំងបី បានធ្វើការផ្អាកជើងហោះហើរយន្ដហោះប្រភេទ Boeing 737 ក្រោយពេលដែលមានហេតុការណ៍ធ្លាក់យន្ដហោះចំនួនពីរលើក បណ្ដាលឲ្យមានការសង្ស័យលើបច្ចេកទេសនៃការផលិត និងធ្វើឲ្យខាតចំណូលរបស់ខ្លួន។ ដូច្នេះក្រុមហ៊ុនទាំងបី បានធ្វើការទាមទារសំណងចំពោះការខាតបង់អស់រយៈពេលជាច្រើនខែ។
គួរឲ្យដឹងថា ការធ្លាក់យន្ដហោះប្រភេទ Boeing 737 ចំនួនពីរលើកក្នុងប្រទេសអេត្យូពី និងឥណ្ឌូនេស៊ី បានបណ្ដាលឲ្យអ្នកស្លាប់សរុប ៣៤៦នាក់ ហើយបណ្ដាលឲ្យក្រុមហ៊ុនអាកាសចរជុំវិញពិភពលោកផ្អាកការហោះហើរយន្ដហោះប្រភេទនេះដោយសារព្រួយបារម្ភពីបញ្ហាសុវត្ថិភាព៕
