/5cf7330404808_1559704320_medium.jpg)
- 2019-06-05 03:13:30
- ព័ត៌មាន
មកមើល ទិដ្ឋភាពគំនរសំរាមនៅឥណ្ឌា អាចនឹងកើនខ្ពស់ជាង Taj Mahal នៅឆ្នាំ ២០២០
- 2019-06-05 03:13:30
- ចំនួនមតិ 0 | ចំនួនចែករំលែក 0
មកមើល ទិដ្ឋភាពគំនរសំរាមនៅឥណ្ឌា អាចនឹងកើនខ្ពស់ជាង Taj Mahal នៅឆ្នាំ ២០២០
ចន្លោះមិនឃើញ
គំនរសំរាមខ្ពស់បំផុតក្នុងទីក្រុង New Delhi ប្រទេសឥណ្ឌា កំពុងបន្ដកើនឡើងជាបន្ដបន្ទាប់ហើយត្រូវបានគេប៉ាន់ស្មានថាអាចនឹងខ្ពស់ជាង Taj Mahal ក្នុងឆ្នាំ ២០២០។
ទីលានចាក់សំរាមនេះ ត្រូវបានគេឲ្យឈ្មោះថា Ghazipur ដែលមានទំហំធំជាងតារាងបាល់ទាត់ ៤០ ហើយកំពុងកើនឡើងកម្ពស់សំរាមជិត ១០ម៉ែត្រជារៀងរាល់ឆ្នាំ។ យោងតាមអ្នកគ្រប់គ្រងទីលានចាក់សំរាមនេះឲ្យដឹងថា សព្វគំនរសំរាម Ghazipur មានកម្ពស់ ៦៥ម៉ែត្រហើយ នឹងអាចកើនខ្ពស់ជាង Taj Mahal ដែលមានកម្ពស់ ៧៣ម៉ែត្រនៅឆ្នាំក្រោយ។ គំនរសំរាម Ghazipur ត្រូវបានបើកកាលពីឆ្នាំ ១៩៨៤ ហើយបានឈានដល់ចំនួនកំណត់កាលពីឆ្នាំ ២០០២ ប៉ុន្តែសំរាមប្រមាណជា ២ពាន់តោន ត្រូវបានដឹកទៅចាក់នៅទីនោះរៀងរាល់ថ្ងៃដោយសារតែអាជ្ញាធរមិនមានជម្រើសផ្សេងសម្រាប់ដោះស្រាយ។
គួរឲ្យដឹងថា តុលាការកំពូលរបស់ឥណ្ឌា បានព្រមានកាលពីឆ្នាំមុនថាភ្លើងសញ្ញាពណ៌ក្រហមព្រមានឲ្យប្រុងប្រយ័ត្ន នឹងត្រូវដាក់នៅលើគំនរសំរាមក្នុងពេលឆាប់ៗដើម្បីផ្ដល់ដំណឹងដល់យន្តហោះដែលឆ្លងកាត់ទីនោះ៕
