- 2019-06-08 04:39:00
- ព័ត៌មាន
ឆាកប្រយុទ្ធរវាងភូមិក្បែរខាង២នៅឥណ្ឌូណេស៊ី បង្ខំឲ្យប្រជាជនជាង៧០០នាក់ចាកចេញពីលំនៅ
- 2019-06-08 04:39:00
- ចំនួនមតិ 0 | ចំនួនចែករំលែក 0
ឆាកប្រយុទ្ធរវាងភូមិក្បែរខាង២នៅឥណ្ឌូណេស៊ី បង្ខំឲ្យប្រជាជនជាង៧០០នាក់ចាកចេញពីលំនៅ
ចន្លោះមិនឃើញ
ប្រជាពលរដ្ឋជាង ៧០០ នាក់នៅភូមិ ហ្គានុងជ្វា (Gunung Jaya) នៅក្នុងខេត្តស៊ូឡាវ៉េស៊ី ភាគខាងត្បូងប្រទេសឥណ្ឌូណេស៊ីត្រូវបានបង្ខំឲ្យចាកចេញពីលំនៅឋានកាលពីរសៀលថ្ងៃពុធ បន្ទាប់មានអ្នកភូមិនេះបើកឆាកប្រយុទ្ធជាមួយភូមិក្បែរខាង សាំពូបាលូ (Sampuabalo)។
សារព័ត៌មានក្នុងស្រុក kompas.com បានរាយការណ៍ថាយ៉ាងហោចណាស់ផ្ទះ ៨៧ ខ្នងរបស់អ្នកភូមិ ហ្គានុងជ្វា ត្រូវបានដុតបំផ្លាញនៅក្នុងការប៉ះទង្គិចគ្នា។
ប្រភពខាងលើបន្តថា មូលហេតុដែលនាំឲ្យមានសង្រ្គាមរវាងភូមិផង២ដែលនៅជាប់គ្នានេះគឺដោយសារតែអ្នកភូមិសាំពូបាលូ ៤០ នាក់ជិះម៉ូតូលឺៗកាត់ភូមិហ្គានុងជ្វានៅថ្ងៃបុណ្យឈប់សម្រាក Hari Raya Idul Fitri (ជាថ្ងៃឈប់សម្រាករបស់ឥណ្ឌូណេស៊ីដែលប្រារព្ធពិធីបញ្ចប់នៃពិធីបុណ្យរ៉ាម៉ាដាន) ហើយការប៉ះទង្គិចក៏កើតមានរវាងអ្នកភូមិម្ចាស់ស្រុក និង ក្រុមជិះម៉ូតូរំខានគេ។
ក្រោយជម្លោះ ក្រុមជិះម៉ូតូរបស់អ្នកភូមិសាំពូបាលូ មកសងសឹកដោយដុតបំផ្លាញផ្ទះសំបែងគេអស់រាប់សិបខ្នង។
"កាលពីម្សិលមិញប្រហែលម៉ោង២រសៀល យើងបានឮសម្លេងផ្ទុះមួយ យើងបានរត់ចូលព្រៃ។ ខ្ញុំបាននាំកូន២នាក់ទៅជាមួយ។ អ្នកភូមិក្មេងៗមួយចំនួនបានទាញកាំបិតខ្វាវ។ យើងក៏មិនអាចយកទ្រព្យសម្បត្តិរបស់យើងអ្វីបានមកដែរ។ ផ្ទះរបស់ខ្ញុំត្រូវបានគេបំផ្លាញខ្ទេច"។ kompas.com បានដកស្រង់សំដីជនរងគ្រោះម្នាក់ឈ្មោះម៉ៃរ៉ា អ្នកភូមិហ្គានុងជ្វា។
មនុស្សជាង៧០០នាក់នៅភូមិកើតហេតុត្រូវបានរាយការណ៍ថាបានរត់ចេញពីលំនៅឋានទៅភូមិមួយទៀតដែលមានចម្ងាយប្រមាណ២៥គីឡូម៉ែត្រ។ នៅក្នុងការវាយប្រហារដែលបានកើតឡើងដោយសារការខ្វះការយល់យោគគ្នានេះ មិនមានចំនួនមនុស្សសា្លប់ត្រូវបានគេរាយការណ៍ឡើយ។
ប៉ូលីសក្នុងខេត្តស៊ូឡាវ៉េស៊ីបានឲ្យដឹងថា ពួកគេបានពង្រាយកម្លាំងដើម្បីបញ្ឈប់ការប្រយុទ្ធនេះ ហើយផ្លូវថ្នល់ដែលបានភ្ជាប់រវាងភូមិទាំង២ត្រូវបានបិទជាបណ្ដោះអាសន្ន៕
អាន៖ គ្រួសារនារីនេះត្រូវគេរកឃើញថាបានសូកលុយ៦,៥លានដុល្លារដើម្បីឲ្យនាងបានរៀននៅ Stanford
អាន៖ យុវតីកម្ពុជា២រូបមានមហិច្ឆតាច្នៃសំណល់ប្លាស្ទិកឲ្យក្លាយជាថ្នល់កៅស៊ូប្រណីត