- 2019-06-16 03:07:04
- ព័ត៌មាន
អ្នកដំណើរភ័យលោះព្រលឹងគ្រប់គ្នា ក្រោយយន្ដហោះអាមេរិករត់ធ្លាក់ផ្លូវពេលចុះចត
- 2019-06-16 03:07:04
- ចំនួនមតិ 0 | ចំនួនចែករំលែក 0
អ្នកដំណើរភ័យលោះព្រលឹងគ្រប់គ្នា ក្រោយយន្ដហោះអាមេរិករត់ធ្លាក់ផ្លូវពេលចុះចត
ចន្លោះមិនឃើញ
យន្ដហោះមួយគ្រឿងរបស់អាកាសចរ United Airlines បានរត់ធ្លាក់ផ្លូវកាលពីថ្ងៃសៅរ៍កន្លងទៅនៅព្រលានយន្ដហោះអន្ដរជាតិ Newark Liberty រដ្ឋ New Jersey សហរដ្ឋអាមេរិក។
យោងតាមរដ្ឋបាលសហព័ន្ធអាកាសចរឲ្យដឹងក្នុងសេចក្ដីថ្លែងការណ៍មួយថា មិនមានករណីរងរបួសណាមួយត្រូវបានរាយការណ៍នេះទេ ក្រោយពេលដែលជើងហោះហើរ United 627 ចុះចតនៅវេលាម៉ោង ១រសៀល។ អ្នកដំណើរទាំងអស់នៅលើយន្ដហោះ មានចំនួន ១៦៦នាក់ក្នុងនោះអ្នករងរបួសស្រាល បានបដិសេធក្នុងការបញ្ជូនទៅមន្ទីរពេទ្យ។ ប្រភពដដែលបន្ដថា សំបកកង់នៃយន្ដហោះបានផ្ទុះនៅពេលដែលយន្ដហោះចុះចតមកលើផ្លូវ។
ក្រោយកើតហេតុ យន្ដហោះនេះ ត្រូវបានគេសណ្ដោងទៅកន្លែងចុះចតសម្រាប់អ្នកដំណើរដែលបណ្ដាលឲ្យមានការពន្យាពេល។ យ៉ាងណាមិញ មកទល់ពេលនេះខាងរដ្ឋបាលសហព័ន្ធអាកាសចរ កំពុងបើកការស៊ើបអង្កេតបន្ដជុំវិញមូលហេតុដែលបណ្ដាលឲ្យយន្ដហោះរត់ធ្លាក់ផ្លូវបែបនេះ៕