- 2019-06-19 14:13:34
- ព័ត៌មាន
ជាង ៧០លាននាក់បានផ្លាស់ទីលំនៅដោយបង្ខំក្នុងឆ្នាំ២០១៨
- 2019-06-19 14:13:34
- ចំនួនមតិ 0 | ចំនួនចែករំលែក 0
ជាង ៧០លាននាក់បានផ្លាស់ទីលំនៅដោយបង្ខំក្នុងឆ្នាំ២០១៨
ចន្លោះមិនឃើញ
បើតាមរបាយការណ៍របស់ឧត្ដមស្នងការអង្គការសហប្រជាជាតិទទួលបន្ទុកលើជនភៀសខ្លួនបានឲ្យដឹងថា មនុស្សចំនួន ៧០.៨លាននាក់បានផ្លាស់ប្ដូរទីលំនៅដោយបង្ខំ ក្រោមហេតុផលសង្គ្រាម និងជម្លោះប្រដាប់អាវុធនៅក្នុងឆ្នាំ២០១៨។
ចំនួននៃជនផ្លាស់ទីលំនៅនេះកើនឡើងជាង ២លាននាក់ ធៀបនឹងចំនួនកាលពីឆ្នាំទៅ ហើយកើនឡើងស្ទើរនឹង ២ដង ធៀបនឹងចំនួនកាលពី ២០ឆ្នាំមុន។
ក្នុងមនុស្សជាង ៧០លាននាក់នោះ មានជនភៀសខ្លួនចំនួន ២៥.៩លាននាក់ ជនផ្លាស់លំនៅក្នុងស្រុកចំនួន ៤១.៣លាននាក់ និងអ្នកសុំសិទ្ធជ្រកកោនមានចំនួន ៣.៥លាននាក់។
ទិន្នន័យទាំងនេះកើតឡើងដោយសារតែវិបត្តិនៅតាមប្រទេសមួយចំនួនដូចជា ប្រទេសវេណេហ្ស៊ុយអេឡា សង្គ្រាមស៊ីវិលនៅស៊ីរី និងវិបត្តិរូហ៊ីងយ៉ានៃប្រទេសមីយ៉ាន់ម៉ា ជាដើម៕
