- 2019-07-30 10:13:31
- ព័ត៌មាន
រដ្ឋាភិបាលកំណត់កាលបរិច្ឆេទឲ្យក្រុមហ៊ុននាំសំរាមទៅប្រទេសដើមវិញ
- 2019-07-30 10:13:31
- ចំនួនមតិ 0 | ចំនួនចែករំលែក 0
រដ្ឋាភិបាលកំណត់កាលបរិច្ឆេទឲ្យក្រុមហ៊ុននាំសំរាមទៅប្រទេសដើមវិញ
ចន្លោះមិនឃើញ
រដ្ឋាភិបាលបានកំណត់ឲ្យក្រុមហ៊ុននាំចូលសំរាមមកកម្ពុជាត្រូវនាំសំរាមទាំងនោះទៅកាន់ប្រទេសដើមវិញត្រឹមថ្ងៃទី២៤ ខែសីហា ឆ្នាំ២០១៩ និងបានពិន័យក្រុមហ៊ុននេះជាង១ពាន់លានរៀលផងដែរ។
អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ឯកឧត្តម គុណ ញឹម ថ្លែងក្នុងសន្និសីទសារព័ត៌មាននារសៀលនេះថាក្រុមហ៊ុនខ្មែរមួយបានទទួលសំរាម៨៣កុងទីន័រនោះមកកម្ពុជា និងថាមិនមានជាប់ពាក់ព័ន្ធជាមួយចិននោះទេ។
ឯកឧត្តមឲ្យដឹងទៀតថារដ្ឋាភិបាលបានដាក់កំហិតឲ្យក្រុមហ៊ុនជុង យៀន ប្លាស្ទិក មានប្រធានឈ្មោះ សួន ឡុក ដែលជាអ្នកទទួលសំរាមនោះឲ្យដឹកសំរាមទៅកាន់ប្រភពដើមវិញត្រឹមថ្ងៃទី២៤ ខែសីហា ឆ្នាំ២០១៩ ហើយបានពិន័យក្រុមហ៊ុននេះជាប្រាក់ចំនួនមួយពាន់សាមសិបប្រាំពីរលាន និង៥០ម៉ឺនលានរៀលចូលជាប្រយោជន៍របស់រដ្ឋ ក្នុងរណីក្រុមហ៊ុនមិនអនុវត្តអគ្គនាយកដ្ឋានគយ និងរដ្ឋាករកម្ពុជានឹងបន្តនីតិវិធីតាមផ្លូវតុលាការ។
ឯកឧត្តមបញ្ជាក់ថាការពិន័យ និងដាក់កំហិតនេះជាវិធានការដាក់បន្ទុកដល់ក្រុមហ៊ុនដែលនាំចូលទំនិញហាមឃាត់និងជាសារព្រមានដល់អ្នកផ្សេងទៀតកុំឲ្យនាំចូលទំនិញប្រភេទនេះទៀត។
បើតាមឯកឧត្តម គុណ ញឹម ដែលបានអានសេចក្ដីថ្លែងការណ៍រួមក្នុងសន្និសីទនេះ បញ្ជាក់ថាសំរាមនេះមានក្រុមហ៊ុន ជុង យៀន ប្លាស្ទិក ជាអ្នកទទួលទំនិញ មានប្រធានជាជនជាតិខ្មែរឈ្មោះ សួន ឡុក ហើយក្រុមហ៊ុនបានចុះបញ្ជីនៅក្រសួងពាណិជ្ជកម្ម កាលពី២០ កក្កដា ២០១៨។ ការដឹកមកនេះមានចំនួន២៧លើក ដោយទី១មួយនៅខែកញ្ញា ឆ្នាំ២០១៨ និងចុងក្រោយនៅខែមករា ២០១៩ ដែលមាន៧០កុងទីន័រមកពីសហរដ្ឋអាម៉េរិក និងមាន១៣កុងទីន័រមកពីកាណាដា៕