- 2019-07-31 03:08:56
- ស្នេហា
សញ្ញាប្រាំពីរយ៉ាងបង្ហាញថាអ្នកកំពុងមានគេលួចស្រឡាញ់
- 2019-07-31 03:08:56
- ចំនួនមតិ 0 | ចំនួនចែករំលែក 0
សញ្ញាប្រាំពីរយ៉ាងបង្ហាញថាអ្នកកំពុងមានគេលួចស្រឡាញ់
ចន្លោះមិនឃើញ
ពេលខ្លះមនុស្សដែលជិតស្និតនឹងអ្នកទំនងជាលួចស្រឡាញ់អ្នកតែខ្លួនអ្នកផ្ទាល់បែរជាមិនចាប់អារម្មណ៍ទៅវិញ ដោយគិតបែបផ្សេងថាទង្វើអ្នកទាំងពីរគ្រាន់តែជាមិត្តទៅវិញ។ សញ្ញាប្រាំពីរយ៉ាងនេះទំនងអាចបញ្ជាក់ថាអ្នកណាម្នាក់កំពុងលួចស្រឡាញ់អ្នកហើយ។
១. ម្នាក់នោះតែងតែរីករាយពេលបានជួបអ្នក
មិនថាក្នុងកាលៈទេសៈណាទេ ពេលបានជួបអ្នក ម្នាក់នោះតែងតែសម្ដែងនូវសេចក្ដីសប្បាយរីករាយ មិនថាអ្នកបានធ្វើអ្វីមួយដល់គេឬក៏អត់នោះទេ សំខាន់ម្នាក់នោះចង់នៅជិតអ្នក និងជួយអ្នក។
២. ម្នាក់នោះតែសម្លឹកភ្នែកអ្នកញយដង
បើសិនជាអ្នកកំពុងនៅជាមួយអ្នកណាម្នាក់ដែលជិតស្និទ្ធនឹងអ្នក ហើយគេចូលចិត្តសម្លឹងអ្នកញយដងនោះទំនងជាអ្នកនោះកំពុងធ្លាក់ក្នុងអន្លង់ស្នេហ៍អ្នកហើយ។ ការសិក្សាខ្លះបង្ហាញថាអ្នកដែលលង់ស្រឡាញ់នរណាម្នាក់នឹងមើលកែវភ្នែកដៃគូរបស់ខ្លួន៧៥ភាគរយនៃរយៈពេលដែលអ្នកទាំងពីជជែកគ្នា ខណៈដៃគូសន្ទនាធម្មតាសម្លឹងតែពី៣០ទៅ៦០ភាគរយ។
ពេលដែលអ្នកណាម្នាក់លួចស្រឡាញ់អ្នក នោះគេនឹងចំណាយពេលច្រើសម្លឹងមើលកែវភ្នែកអ្នកដោយផ្ទាល់ និងយូរទៀតផង ពោលគឺគេចង់នៅជាមួយអ្នក។
៣. ម្នាក់នោះយកចិត្តទុកដាក់ខ្លាំងលើអ្នក
គ្រប់គ្នាតែងមានការងាររវល់រៀងៗខ្លួន ប៉ុន្តែអ្នកដែលលួចស្រឡាញ់អ្នកនឹងរកពេលសម្រាប់អ្នកមិនខាន។ ត្រង់ចំណុចនេះមានន័យថាបើនរណាម្នាក់ស្រឡាញ់អ្នកហើយនោះគេនឹងរកពេលច្រើនដើម្បីជួបអ្នក និងយកចិត្តទុកដាក់ចំពោះអ្នកច្រើន។
៤. ម្នាក់នោះនឹងនៅជាមួយអ្នកមិនថាពេលកើតទុក្ខឬសប្បាយចិត្ត
ពេលនរណាម្នាក់នៅតែ យកចិត្តទុកដាក់នឹងអ្នកក្នុងកាលៈទេសៈដែលអ្នកលំបាក នោះទំនងជាសញ្ញាបញ្ជាក់ថាម្នាក់នោះកំពុងលង់ស្រឡាញ់អ្នក។ និយាយមួយបែបទៀត គឺសេចក្ដីសុខរបស់អ្នក ជាសេចក្ដីសុខរបស់បុគ្គលនោះដែរ។ អ្នកដែលស្រឡាញ់អ្នកតែងតែបារម្ភពីសុខភាពអ្នក អារម្មណ៍របស់អ្នកជានិច្ច។ ៥. ម្នាក់នោះចងចាំរឿងតូចៗអំពីអ្នក
អ្នកដែលលួចស្រឡាញ់អ្នកតែងតែចងចាំរឿងតូចៗដែលអ្នកចូលចិត្ត ដូចជាពេលទៅមើលកុន ឬហូបអ្វីជាមួយគ្នា គេនឹងដឹងថាអ្នកចង់មើលរឿងអ្វី ចង់ហូបឬចូលចិត្តម្ហូបអ្វីជាមិនខាន ព្រោះថាអ្នកធ្លាប់បាននិយាយពីរឿងទាំងនោះកន្លងមក។
អ្នកដែលលួចស្រឡាញ់អ្នកនឹងចាំថ្ងៃកំណើតរបស់អ្នក ព័ណ៌ដែលអ្នកចូលចិត្ត និងអាហារដែលអ្នកចូលចិត្តជាដើម ហើយក៏នឹងធ្វើវាដើម្បីអ្នកផងដែរ។
៦. ម្នាក់នោះតែងតែណែនាំអ្នកទៅមនុស្សសំខាន់ៗ
បើគេតែងតែណែនាំអ្នកទៅកាន់សមាជិកគ្រួសាររបស់គេ ឬមិត្តជិតស្និទ្ធរបស់គេដើម្បីឲ្យអ្នកមានទំនាក់ទំនងល្អជាមួយអ្នកទាំងនោះ ក៏មានន័យថាគេទំនងជាលួចស្រឡាញ់អ្នកហើយ។ អ្នកដែលលួចស្រឡាញ់អ្នកនឹងព្យាយាមភ្ជាប់ទំនាក់ទំនងរវាងអ្នកនឹងមនុស្សសំខាន់របស់គេដើម្បីអាចជួយអ្នកក្នុងកិច្ចការការងារ ឬជិវិតឲ្យកាន់តែប្រសើរ។
៧. និយាយដល់ថ្ងៃអនាគត
ម្នាក់នោះតែងនិយាយពីរឿងអនាគត ដោយមានប្រើពាក្យ «យើង» ឬ«ខ្ញុំ» ហើយអ្នកសង្គេតមើលថាតើងគេនិយាយញឹកញាប់ប៉ុនណា? អ្នកអាចកត់សម្គាល់ថាអ្នកដែលនៅជិតអ្នកហើយភ្លាមៗចាប់ផ្តើមនិយាយពីរឿងអនាគតដែលអាចជាមួយអ្នក មានន័យថាម្នាក់នោះបានលួចស្រឡាញ់អ្នក និងធ្លាក់ក្នុងអន្លង់ស្នេហ៍អ្នករួចទៅហើយ៕