- 2019-10-14 06:06:45
- ព័ត៌មាន
ជិតមួយទសវត្សរ៍ចុងក្រោយនេះជប៉ុនជួបគ្រោះមហន្តរាយធម្មជាតិធំៗយ៉ាងតិចបី
- 2019-10-14 06:06:45
- ចំនួនមតិ 0 | ចំនួនចែករំលែក 0
ជិតមួយទសវត្សរ៍ចុងក្រោយនេះជប៉ុនជួបគ្រោះមហន្តរាយធម្មជាតិធំៗយ៉ាងតិចបី
ចន្លោះមិនឃើញ
ប្រទេសជប៉ុនប្រហែលមួយទសវត្សរ៍ចុងក្រោយនេះបានជួបគ្រោះធម្មជាតិជាញឹកញាប់ ហើយបានបណ្តាលឲ្យប្រទេសនេះបាត់បង់ទាំងមនុស្ស និងហេដ្ឋារចនាសម្ព័ន្ធនានាផង។
ខាងក្រោមនេះជាព្រឹត្តិការណ៍គ្រោះធម្មជាតិធំៗបីបានកើតឡើងនៅប្រទេសជប៉ុនកន្លងមកនេះ៖
ខែមីនា ឆ្នាំ២០១១៖ រលកយក្សស៊ូណាមិដែលកើតចេញពីការរញ្ជូយដីក្នុងកម្លាំង៨,៩រិចទ័របានវាយប្រហារមកលើតំបន់ឆ្នេរភាគខាងកើតរបស់ប្រទេសជប៉ុន។ ក្នុងហេតុការណ៍នេះបណ្ដាលឲ្យមនុស្សជាង១៨ ០០០នាក់បាត់បង់ជីវិត មនុស្សជាងមួយសែននាក់ត្រូវជម្លៀស។
ខែកក្កដា ឆ្នាំ២០១៨៖ ភ្លៀងធ្លាក់ខ្លាំងនៅប្រទេសជប៉ុនបណ្ដាលឲ្យបាក់ដីសម្លាប់មនុស្សយ៉ាងតិច១៧៩នាក់ និង៧០នាក់ផ្សេងទៀតត្រូវបាត់ខ្លួន ចំណែកឯមនុស្សជាងប្រាំបីលាននាក់ផ្សេងទៀតត្រូវជម្លៀសចេញពីផ្ទះសម្បែង។ ភ្លៀងធ្លាក់ និងបាក់ដីនេះបណ្ដាលឲ្យមនុស្សស្លាប់ច្រើនជាងហេតុការណ៍កើតកាលពីឆ្នាំ១៩៨២។
១៣ តុលា ឆ្នាំ២០១៩៖ ព្យុះកំណាច Hagibis បានចាប់ផ្ដើមវាយប្រហារភាគខាងត្បូងទីក្រុងតូក្យូកាលពីថ្ងៃសៅរ៍កន្លងទៅ ហើយបន្ដឆ្ពោះទៅកាន់ទិសខាងជើង ដែលបណ្ដាលឲ្យមានទឹកជំនន់ធ្ងន់ធ្ងរនៅតំបន់ជាច្រើននៃទីក្រុង។ ហេតុការណ៍នេះបានបណ្ដាលឲ្យមនុស្សយ៉ាងហោចណាស់២៣នាក់បានស្លាប់ និង១៧នាក់ផ្សេងទៀតកំពុងបាត់ខ្លួន។ ក្នុងពេលជាមួយគ្នា ពួកមន្ត្រីបានប្រាប់អ្នកស្រុកឲ្យប្រុងប្រយ័ត្ន ជាមួយនឹងបទបញ្ជាជម្លៀសមនុស្សនៅតែមានបន្តសំរាប់មនុស្សប្រមាណ៥,៩លាននាក់នៅទូទាំង១៧តំបន់៕