- 2020-01-29 04:44:58
- ព័ត៌មាន
រឿងជីវិត ឪពុកខំអស់ពីខ្លួនដើម្បីកូន ដល់អស់ការងារភ័យព្រោះមិនអាចសង្ឃឹមអ្វីពីកូនវិញបាន
- 2020-01-29 04:44:58
- ចំនួនមតិ 0 | ចំនួនចែករំលែក 0
រឿងជីវិត ឪពុកខំអស់ពីខ្លួនដើម្បីកូន ដល់អស់ការងារភ័យព្រោះមិនអាចសង្ឃឹមអ្វីពីកូនវិញបាន
ចន្លោះមិនឃើញ
ឪពុកម្ដាយណាដែលមានកូនចេះដឹងសុខទុក្ខ ប្រៀបបាននឹងព្រេងសំណាងដែលទេវតាប្រទានឲ្យកាត់ថ្លៃពុំបាន។ ដូចគ្នានេះ គេក៏តែងលើកឡើងដែរថា កូនណាដែលចេះដឹងគុណឪពុកម្ដាយទើបរកស៊ីមានបាន ជួបតែរឿងល្អៗក្នុងជីវិត ។
ដកស្រង់ចេញពីជ្រុងមួយនៃសង្គមខ្មែរជាក់ស្ដែងបច្ចុប្បន្ន វីដេអូបង្កប់សារអប់រំខ្លីមួយ មានចំណងជើងថា «ឪពុក» បានទាក់ទាញការចាប់អារម្មណ៍យ៉ាងខ្លាំងលើបណ្ដាញសង្គមហ្វេសប៊ុក ក្រោយបង្ហោះថ្មីៗនេះ។
អត្ថន័យចាក់ដោតនៃ វីដេអូរយៈពេល ៤:៣០នាទីនេះ បានលាតត្រដាងពីផ្លូវចិត្តឪពុកម្នាក់ ដែលបានប្រឹងប្រែងផ្គត់ផ្គង់កូនៗ អស់ពីលទ្ធភាពរហូតដល់អស់រលីងពីខ្លួន ហើយក៏មិនអាចរំពឹងអ្វីត្រលប់មកវិញពីកូនៗបាន ត្បិតកូនបានរកស៊ីខាតឡុងចុងរហូតដល់មកខ្ចីលុយឪពុកថែមទៀត។
ឈានដល់ថ្ងៃត្រូវចូលនិវត្តន៍ លោកឪពុកចាស់ក៏ចាប់ផ្តើមភ័យព្រួយ អស់សង្ឃឹមព្រោះមិនដឹងបានអ្វីដើម្បីចិញ្ចឹមជីវិតបន្តទៀត ត្បិតកន្លងមកមិនថាពេលខ្លួនឈឺថ្កាត់ ឬបាយទឹកទេ លោកតែងគិតគូរដោយខ្លួនឯងទាំងអស់។
តែចុងក្រោយ រឿងគ្មានអ្នកណាស្មានដល់នោះ គឺ តាមពិតអ្វីៗ ដែលលោកឪពុកគិតចំពោះកូន គឺខុសទាំងអស់ ព្រោះកូនៗរបស់លោកពូបានសម្ងំដុតដៃដុតជើង រកលុយសន្សំទុកសម្រាប់ឪពុកក្រោយពេលចូលនិវត្តន៍ជាង ១០ឆ្នាំមកហើយ ដែលធ្វើឲ្យលោកដឹងហើយ រំភើបស្ទើរទប់ទឹកភ្នែកមិនបាន។
តើក្នុងជីវិតពិត មានគ្រួសារប៉ុន្មានដែលមានវាសនាដូចលោកឪពុកម្នាក់នេះ ? យើងសង្ឃឹមថាគ្រប់គ្រួសារទាំងអស់នឹងចាប់ផ្តើមគិតគូរដល់អ្នកមានគុណ ដូចក្នុងវីដេអូខ្លីនេះដែរ ។
ដើម្បីគិតគូរពីសុភមង្គលអ្នក និងគ្រួសារនៅថ្ងៃអនាគត់ សូមចូលទៅកាន់ www.amkcambodia.com ដើម្បីស្វែងយល់ពីអត្ថប្រយោជន៍ជាច្រើនរបស់ គណនីសោធនិវត្តន៍ ដែល គ្រឹះស្ថានមីក្រូហិរញ្ញវត្ថុ អេ អឹម ខេ កំពុងផ្តល់ជូន។
ចង់ដឹងសាច់រឿងច្បាស់ សូមមើលវីដេអូទាំងអស់គ្នា ៖