អ្នកដំណើរជាង ៣០០នាក់លើនាវាជប៉ុន ត្រូវបានព្យាបាលជាសះស្បើយពី Covid-19

2020-03-16 03:14:41
ព័ត៌មាន

2020-03-16 03:14:41
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដំណើរសរុប ៣២៥នាក់នៅលើនាវាជប៉ុន Diamond Princess ដែលត្រូវបានរកឃើញថាឆ្លងកូរ៉ូណាវីរុសនោះ ឥឡូវបានជាសះស្បើយពីជំងឺហើយ។

យោងតាមនាយករដ្ឋមន្ត្រីជប៉ុនលោក Shinzo Abe ឲ្យដឹងកាលពីពេលថ្មីៗនេះថាអ្នកដំណើរ ៣២៥នាក់ ក្នុងចំណោម ៧០៥នាក់ បានជាពីជំងឺ Covid-19 បើទោះបីជា ៨នាក់បានស្លាប់យ៉ាងណាក្ដី។ លើសពីនេះទៀត ក្នុងចំណោមអ្នកព្យាបាលជាទំាំងអស់ មាន២០នាក់ធ្លាប់ស្ថិតក្នុងស្ថានភាពធ្ងន់ធ្ងរ។ លោកបានមានប្រសាសន៍ថា “ យោងតាមអ្នកជំនាញភាគច្រើននៃអ្នកដែលឆ្លងវីរុសនេះមានរោគសញ្ញាស្រាលហើយមានករណីជាច្រើននៃអ្នកជំងឺបានជាសះស្បើយទាំងស្រុង។" សាររបស់នាយករដ្ឋមន្រ្តីរូបនេះ ធ្វើឡើងនៅពេលដែលសហគមន៍អន្តរជាតិរិះគន់ការដោះស្រាយរបស់ជប៉ុនចំពោះការផ្ទុះឡើងនៃមេរោគឆ្លងនៅលើនាវាទេសចរណ៍។

គួរឲ្យដឹងថា នាវា Diamond Princess ដែលបានចាកចេញពីកំពង់ផែយ៉ូកូហាម៉ានៅប្រទេសជប៉ុនកាលពីថ្ងៃទី ២០ ខែមករា ត្រូវបានគេ ដាក់ឲ្យនៅដោយឡែកចាប់តាំងពីការមកដល់យូកូហាម៉ាកាលពីថ្ងៃទី ៣ ខែកុម្ភៈ បន្ទាប់រកឃើញថាបុរសម្នាក់ដែលបានចុះពីកប៉ាល់នៅហុងកុងបានឆ្លងវីរុសនេះ។ អ្នកដំណើរ និងសមាជិកនាវិកទាំងអស់ បានចុះពីនាវានៅថ្ងៃទី ១ខែមីនា៕

ប្រភព៖ japaninsides ប្រែសម្រួល៖ រ័ត្ន