- 2016-12-08 07:36:01
- ព័ត៌មាន
គម្រោងសន្សំលុយនេះ អាចធ្វើឲ្យអ្នកមានលុយចាយមិនអស់ ពេលចាស់ទៅ
- 2016-12-08 07:36:01
- ចំនួនមតិ 0 | ចំនួនចែករំលែក 0
គម្រោងសន្សំលុយនេះ អាចធ្វើឲ្យអ្នកមានលុយចាយមិនអស់ ពេលចាស់ទៅ
ចន្លោះមិនឃើញ
មនុស្សជាច្រើន ជឿជាក់ថា វិធីតែមួយគត់ ដើម្បីក្លាយជាអ្នកមាន គឺទាល់តែកើតក្នុងត្រកូលអ្នកមាន ឬត្រូវឆ្នោតរង្វាន់ធំជាដើម។ ផ្ទុយទៅវិញ មានវិធីសាស្ត្រដ៏សាមញ្ញមួយ ដែលអ្នកអាចក្លាយជាអ្នកមាន នៅអាយុ៦៥ឆ្នាំ ដោយមិនចាំបាច់មានទ្រព្យសម្បត្តិហូរហៀរ ពីវ័យក្មេងឡើយ។
បើយោងតាមទីប្រឹក្សាផ្នែកហិរញ្ញវត្ថុម្នាក់ មានឈ្មោះថា David Bach បាននិយាយថា «ចង់ក្លាយជាអ្នកមាន គឺគ្មានអ្វីក្រៅពីប្រព្រឹត្ត និងប្រកាន់ខ្ជាប់ ចំពោះគម្រោងសន្សំលុយ និងការវិនិយោគឡើយ។ អ្នកមិនចាំបាច់ត្រូវការលុយ ដើម្បីបង្កើតលុយឡើយ អ្នកគ្រាន់តែត្រូវការ ការសម្រេចចិត្តត្រឹមត្រូវមួយ ហើយធ្វើវាប៉ុណ្ណោះ»។
ជាមួយគ្នានេះដែរ លោក David បានបង្កើតតារាងមួយ បង្ហាញអំពីចំនួនលុយ ដែលអ្នកត្រូវការសន្សំជារៀងរាល់ថ្ងៃ ខែ និង ឆ្នាំ ដើម្បីឲ្យបាន ចំនួន១លានដុល្លារ នៅពេលអ្នកមានអាយុ ៦៥ឆ្នាំ។ តារាងខាងក្រោមនេះចែកជា៤ផ្នែក ផ្នែកទី១គឺអាយុ ផ្នែកទីពីរគឺប្រាក់សន្សំប្រចាំថ្ងៃ ផ្នែកទី៣ ប្រាក់សន្សំប្រចាំខែ និងផ្នែកទី៤គឺប្រាក់សន្សំប្រចាំឆ្នាំ។
បើទោះបីជាតួលេខនៅក្នុងតារាង អាចនឹងប្រែប្រួលដោយសារកត្តាផ្សេងៗ តែវាក៏បានផ្ដល់ឲ្យអ្នក នូវគំនិតដ៏អស្ចារ្យមួយ ក្នុងការសន្សំលុយ ទាន់នៅវ័យក្មេងផងដែរ៕
