- 2019-10-09 10:13:26
- សេដ្ឋកិច្ច
អ្នកនៅក្រោយវត្តអង្គតាមិញ លែងពិបាកធ្វើដំណើរទៀតហើយ
- 2019-10-09 10:13:26
- ចំនួនមតិ 0 | ចំនួនចែករំលែក 0
អ្នកនៅក្រោយវត្តអង្គតាមិញ លែងពិបាកធ្វើដំណើរទៀតហើយ
ចន្លោះមិនឃើញ
ប្រជាពលរដ្ឋរស់នៅតាមផ្លូវម្ដុំក្រោយវត្តអង្គតាមិញ បានផ្លូវល្អដើម្បីធ្វើដំណើរហើយ ក្រោយពីមានការជួសជុល កាលពីពេលថ្មីៗនេះ។
យុវតី គីម ណារី ដែលជាប្រជាពលរដ្ឋមួយរូប រស់នៅតំបន់នោះ បាននិយាយថា ផ្លូវក្រោយវត្តអង្គតាមិញ ជាផ្លូវតូច ដែលពិបាកធ្វើដំណើរយូរណាស់ហើយ ជាពិសេសគឺពេលភ្លៀង ប៉ុន្តែឥលូវបានផ្លូវបេតុងថ្មី ធំ និងស្រួលធ្វើដំណើរ។
យុវតីវ័យ ២០ឆ្នាំខាងលើនេះ បានឲ្យដឹងថា បើគិតពីការលំបាកវិញ គឺផ្លូវក្រោយវត្តអង្គតាមិញនេះលំបាកប្រហែលជាង១០ឆ្នាំមកហើយ ជាផ្លូវដី រលាក់ ហុយ និងបែកភក់ពេលមានភ្លៀង។ ប្រជាពលរដ្ឋរូបនេះបន្ថែមទៀតថា ពិតជាត្រេកអរខ្លាំងដែលបានផ្លូវថ្មីស្អាតបែបនេះ ហើយក៏សូមអរគុណដល់ម្ចាស់បុរីភ្នំពេញថ្មី ដែលបានចំណាយថវិកាធ្វើផ្លូវនេះ។
ចំណែក កញ្ញា ណាំ ម៉ារី តំណាងឲ្យបុរីខាងលើនេះ បានឲ្យដឹងដែរថា ដើម្បីជាភាពងាយស្រួលដល់ប្រជាពលរដ្ឋនៅតំបន់ក្រោយវត្តអង្គតាមិញនេះ បុរីបានចំណាយថវិកាផ្ទាល់ដើម្បីជួសជុលក៏ដូចជាស្ថាបនាឡើងវិញ។ ក្រៅតែពីធ្វើផ្លូវហើយនោះ បុរីភ្នំពេញថ្មី ក៏បានជួយកសាងក្លោងទ្វាវត្ត និងរបងវត្តប្រហែល ៥០ម៉ែត្រ និងក្រាលការ៉ូឡាថែមទៀតផង។
បញ្ជាក់ដែរថា ផ្លូវវត្តអង្គតាមិញដែលត្រូវជួសជុល និងស្ថាបនាថ្មីនេះមានប្រវែងប្រហែល ៦០០ម៉ែត្រ គឺចាប់ពីចំណុចក្លោងទ្វាក្រោយវត្តរហូតដល់ផ្លូវ២០០៤។ ចំពោះការចំណាយសរុបទាំងក្លោងទ្វាវត្ត របង និងផ្លូវបេតុងនេះអស់ប្រហែលជិត ៥០ម៉ឺនដុល្លារ៕
