- 2019-11-06 09:50:16
- សេដ្ឋកិច្ច
កម្ពុជានាំទំនិញទៅចិន៧ភាគរយ ខណៈនាំទៅអាម៉េរិក និងអឺរ៉ុបជាង២០ភាគរយដូចគ្នា
- 2019-11-06 09:50:16
- ចំនួនមតិ 0 | ចំនួនចែករំលែក 0
កម្ពុជានាំទំនិញទៅចិន៧ភាគរយ ខណៈនាំទៅអាម៉េរិក និងអឺរ៉ុបជាង២០ភាគរយដូចគ្នា
ចន្លោះមិនឃើញ
ធនាគារជាតិនៃកម្ពុជាឲ្យដឹងថាក្នុងរយៈពេល៩ខែដើមឆ្នាំ២០១៩នេះ កម្ពុជាបាននាំចេញទំនិញទៅកាន់គោលដៅសំខាន់ៗដូចជា សហរដ្ឋអាមេរិក មាន២៩ភាគរយ សហភាពអឺរ៉ុប ២៤ភាគរយ ជប៉ុន៨ភាគរយ ចិន៧ភាគរយ អង់គ្លេស៧ភាគរយ កាណាដា៦ភាគរយ ថៃ៤ភាគរយ និងវៀតណាម ២ភាគរយ។
ធនាគារជាតិនៃកម្ពុជានារសៀលនេះបានសរសេរលើហ្វេសប៊ុករបស់ខ្លួនទៀតថាមុខទំនិញចម្បងៗដែលនាំចេញរួមមាន សម្លៀកបំពាក់ ស្បែកជើង ទំនិញធ្វើដំណើរ កង់ អង្ករ បរិក្ខារអគ្គិសនី កៅស៊ូ និងផលិតផលកសិកម្មផ្សេងទៀត។
ប្រភពដដែលបន្តថា៖ «ជាមួយគ្នានេះ មុខទំនិញនាំចូលសំខាន់ៗមានដូចជា វត្ថុធាតុដើមសម្រាប់វិស័យវាយនភណ្ឌ យានយន្ត ប្រេងឥន្ធនៈ បរិក្ខារសំណង់ ម្ហូបអាហារនិងភេសជ្ជៈ និងជីកសិកម្មជាដើម ដែលនាំចូលពីប្រទេសចិន (៣៩%) ថៃ (១៥%) វៀតណាម (១៣%) ជប៉ុន (៥%) កូរ៉េខាងត្បូង (៣%) ឥណ្ឌូណេស៊ី (៣%) ហុងកុង (៣%) សិង្ហបុរី (២%) ម៉ាឡេស៊ី (២%) សហរដ្ឋអាមេរិក (២%) និងដាណឺម៉ាក (១%)»៕
