- 2018-07-12 02:00:00
- សុខភាព
អ្នកជំនាញ បញ្ជាក់ពីមហារីកដ៏កម្រម្យ៉ាង ចំពោះកុមារ ដែលរងកម្ដៅព្រះអាទិត្យ អាចស្លាប់បាន
- 2018-07-12 02:00:00
- ចំនួនមតិ 0 | ចំនួនចែករំលែក 0
អ្នកជំនាញ បញ្ជាក់ពីមហារីកដ៏កម្រម្យ៉ាង ចំពោះកុមារ ដែលរងកម្ដៅព្រះអាទិត្យ អាចស្លាប់បាន
ចន្លោះមិនឃើញ
អ្នកជំនាញខាងជំងឺមហារីកបានឲ្យដឹងថា ពន្លឺព្រះអាទិត្យអាចធ្វើឲ្យកុមារតូចៗ និងយុវវ័យប្រឈមខ្ពស់នឹងជំងឺមហារីកស្បែកដែលអាចស្លាប់បាន ដូច្នេះឪពុកម្ដាយត្រូវតែការពារក្មេងៗទាំងនេះពីពន្លឺព្រះអាទិត្យ និងបង្រៀនពួកគេ អំពីសុវត្ថិភាព នៃការប៉ះពាល់ពន្លឺព្រះអាទិត្យនៅខាងក្រៅផ្ទះ។
វេជ្ជបណ្ឌិត Alberto Pappo ប្រធាននៃការបែកចែកសុំសាច់រឹងនៅឯ St. Jude Children’s Research Hospital ក្នុងទីក្រុង Memphis, Tenn បានឲ្យដឹងថា ចូរកុំយល់ថា ក្មេងៗមិនអាចកើតជំងឺមហារីកស្បែក ដោយសារតែពួកគេនៅក្មេងឲ្យសោះ។ វាមិនដូចគ្នានឹងជំងឺមហារីកផ្សេងឡើយ មហារីកស្បែកប្រភេទ Melanoma ដែលយើងឃើញភាគច្រើនកើតឡើងលើមនុស្សវ័យជំទង់ ក៏អាចកើតឡើងលើមនុស្សពេញវ័យដូចគ្នាដែរ។
ថ្វីបើវាជាករណីកម្រក៏ដោយ តែជំងឺមហារីកស្បែក Melanoma គឺជាប្រភេទជំងឺមហារីកស្បែកដែលកើតឡើងញឹកញាប់បំផុតលើអ្នកជំងឺវ័យក្មេង ហើយភាគច្រើនគឺយុវវ័យតែម្ដង។
ក្មេងៗមិនមានប្រព័ន្ធភាពស៊ាំការពារពីការបំផ្លាញខ្លាំងរបស់ពន្លឺព្រះអាទិត្យទេ ដូច្នេះឪពុកម្ដាយគួរតែចាប់ផ្ដើមប្រើប្រាស់ឡេការពារកម្ដៅព្រះអាទិត្យឲ្យបានលឿនសម្រាប់ពួកគេ និងធ្វើឲ្យរឿងនេះក្លាយទៅជាទម្លាប់ពេញមួយជីវិតតែម្ដងទៅ។
នៅសហរដ្ឋអាមេរិក មានករណីជំងឺមហារីក Melanoma ដែលត្រូវបានគេរកឃើញថ្មីប្រហែល ៧៦៧០០ករណីជារៀងរាល់ឆ្នាំ។
មហារីកស្បែក Melanoma ភាគច្រើនកើតឡើងលើមនុស្សស្បែកសតែម្ដង។
ប្រហែល ៧ភាគរយ នៃជំងឺមហារីកជាច្រើន លើមនុស្សវ័យក្មេងអាយុពី ១៥ ទៅ ១៩ឆ្នាំគឺជាមហារីកស្បែកប្រភេទ Melanoma។
ឪពុកម្ដាយគួរតែតាមដានកូនរបស់ខ្លួន ជាពិសេសរោគសញ្ញាដូចជា ប្រជ្រុយដែលមានការប្រែប្រួលច្រើន
ប្រជ្រុយដែលដុះច្រើន ឬមិនបាត់ទៅវិញ
ប្រជ្រុយដែលមានរាងចម្លែក ឬធំ
ដុំដែលក្រហម ឬស្លេក ប្រជ្រុយ ឬដុំដែលរមាស់ ឬហូរឈាម៕