- 2018-09-20 10:00:00
- សុខភាព
កុំទុកដល់ខូចការធំ បុរសបើមាន៦ចំណុចនេះ លើពងស្វាស សូមប្រញាប់ទៅជួបពេទ្យ ជាបន្ទាន់
- 2018-09-20 10:00:00
- ចំនួនមតិ 0 | ចំនួនចែករំលែក 0
កុំទុកដល់ខូចការធំ បុរសបើមាន៦ចំណុចនេះ លើពងស្វាស សូមប្រញាប់ទៅជួបពេទ្យ ជាបន្ទាន់
ចន្លោះមិនឃើញ
ការឡើងដុំពក និងហើមពងស្វាស តាមចំណាំតគ្នាថា វាជាគ្រាន់តែជាជំងឺក្លន ដែលមនុស្សប្រុសច្រើនតែងជួបប្រទះ។ ម្យ៉ាងវិញទៀត ការចំណាំបែបនេះ សម្គាល់ទៀតថា មិនជាបញ្ហាអ្វីធ្ងន់ធ្ងរនោះទេ ដោយសារពេលខ្លះ ជាករណីតិចតួច ដែលបណ្ដាលមកពីលក្ខណៈធម្មជាតិ ឬរងការប៉ះទង្គិចនានា។
ទោះយ៉ាងនេះក្ដី វេជ្ជបណ្ឌិត បានណែនាំ អ្នកក៏គួរតែពិគ្រោះ និងឲ្យគ្រូពេទ្យពិនិត្យឲ្យទាន់ពេលវេលា ចៀសវាងបង្កទៅជាការដុះដុំសាច់ នៃជំងឺមហារីក។
វេជ្ជបណ្ឌិត បានបញ្ជាក់ថា ករណីដុំសាច់នៅក្នុងពងស្វាស អាចជាសញ្ញា នៃជំងឺមហារីកពងស្វាស។ វាងាយស្រួលក្នុងការព្យាបាល ប្រសិនបើវាត្រូវបានរកឃើញឆាប់រហ័ស។
សូមប្រញាប់ទៅជួបជាមួយនឹងគ្រូពេទ្យ ប្រសិនបើអ្នកមានការឈឺចាប់ភ្លាមៗ ឬមិនអាចទ្រាំទ្របាននៅក្នុងពងស្វាស ឬពោះ ពីព្រោះ នេះគឺអាចបណ្ដាលមកពីរមួល។
បើបុរស ឬក្មេងប្រុសណាដែលមានរោគសញ្ញាទាំងនេះ សូមប្រញាប់ទៅជួបគ្រូពេទ្យ ដើម្បីទទួលការពិគ្រោះ ឬព្យាបាលទាន់ពេល។
១. មានដុំនៅក្នុងពងស្វាស របស់អ្នក
២. ហើមពងស្វាស
៣. ការផ្លាស់ប្ដូររូបរាងពងស្វាស របស់អ្នក
៤. មានអារម្មណ៍ប្លែកៗទាក់ទងនឹងពងស្វាស
៥. ពងស្វា ស មួយរីកកាន់តែធំជាងមុន
៦. ឈឺចាប់ ឬមិនស្រួល នៅក្នុងពងស្វាស ហើយដែលងាយមិនបាត់ទៅវិញ។
ការវិភាគរកមូលហេតុនៃដុំពក ឬការហើម របស់គ្រូពេទ្យអាចនឹងតម្រូវដើម្បីពិនិត្យ
• មើល ពិនិត្យ និងស្ទាបពងស្វាស
• យកភ្លើងបំភ្លឺពងស្វាស ដើម្បីពិនិត្យរកសារធាតុរាវ ឬកន្លែងមានបញ្ហាណាមួយ
• ប្រហែលជាអាចត្រូវការ ការថតកាំរស្មី ថតស្កេន ឬថតអេកូ។
សូមបញ្ជាក់ថា ការព្យាបាលដុំពក ឬហើម គឺអាស្រ័យលើមូលហេតុ។ អ្នកប្រហែលជាមិនត្រូវការ ការព្យាបាលទេ ប្រសិនបើវាមិនបណ្ដាលឲ្យមានបញ្ហាណាមួយ និងមិនមានបញ្ហាធ្ងន់ធ្ងរ៕