- 2018-09-29 04:00:00
- ការអប់រំ
សំណាងមែន! សិស្សឆ្នើម ថន រតនា នឹងទៅរៀនអត់អស់លុយ ៥ឆ្នាំ ក្នុងប្រទេសមហាអំណាចធំ១
- 2018-09-29 04:00:00
- ចំនួនមតិ 0 | ចំនួនចែករំលែក 0
សំណាងមែន! សិស្សឆ្នើម ថន រតនា នឹងទៅរៀនអត់អស់លុយ ៥ឆ្នាំ ក្នុងប្រទេសមហាអំណាចធំ១
ចន្លោះមិនឃើញ
ទីបំផុត សិស្សឆ្នើមនិទ្ទេស A លំដាប់ពិន្ទុ ១០០ពេញ កញ្ញា ថន រតនា នឹងទៅរៀនសកលវិទ្យាល័យលំដាប់លេខ១ នៅប្រទេសចិន។ នេះបើតាមការផ្សព្វផ្សាយរបស់ទំព័រហ្វេសប៊ុកផ្លូវការ ក្រុមហ៊ុន Ni Hao China Education Consulting Co.,Ltd ដែលបានប្រកាសផ្ដល់អាហារូបករណ៍ ១០០%។
ទំព័រដដែលបានសរសេរថា កញ្ញា ថន រតនា សិស្សឆ្នើមនិទ្ទេសA លំដាប់ពិន្ទុខ្ពស់ជាងគេ ឆ្នាំ២០១៨នេះ នឹងទៅត្រៀមទៅរៀន មុខវិជ្ជាពេទ្យ ថ្នាក់អាហារូបករណ៍ ១០០% នៅសកលវិទ្យាល័យលំដាប់លេខមួយ និងមានប្រវត្តិចំណាស់បំផុត នៅប្រទេសចិន ដែលមានឈ្មោះថា សកលវិទ្យាល័យ ប៉េកាំង (Peking University)។ បើតាមគេហទំព័រ wikipedia បញ្ជាក់ថា សកលវិទ្យាល័យនេះបាន បង្កើតឡើងតាំងពីឆ្នាំ១៨៩៨។
អាហារូបករណ៍ដែលនឹងផ្ដល់អោយនេះ ជាប្រភេទអាហារូបករណ៍ពេញមួយចប់កម្មវិធីសិក្សារយៈពេល៥ឆ្នាំ។ សម្រាប់សិស្សឆ្នើមកម្ពុជា នឹងផ្ដល់ឲ្យ រួមមានថ្លៃសិក្សា ថ្លៃស្នាក់នៅ និងប្រាក់ប្រចាំខែ ចំនួន ២៥០០យ័ន ប្រហែល ៤០០ដុល្លាសហរដ្ឋអាមេរិក។ លើសពីនេះគឺ ក្រុមហ៊ុននឹងធានារ៉ាប់រងលើសំបុត្រយន្តហោះរបស់កញ្ញា ថន រតនា ផងដែរ។
លោក ឌី ចាន់នី អគ្គនាយករង ក្រុមហ៊ុន Ni Hao China Education Consulting Co.,Ltd បានប្រាប់ Sabay កាលពីពេលកន្លងទៅ ថា ក្រុមហ៊ុននេះ ពិតជាចង់ជួយដល់សិស្សពូកែនិទ្ទេស A មានឆន្ទៈសិក្សា ហើយមកពីគ្រួសារមានជីវភាពក្រីក្រ និងគ្មានលទ្ធភាពរៀនបន្ត ឲ្យទៅរៀននៅសាលាល្បី លំដាប់ខ្ពស់ នៅក្នុងទីក្រុងប៉េកាំង ប្រទេសចិន សរុប ៥កន្លែង តាមអាហារូបករណ៍ ១០០%។
សូមបញ្ជាក់ថា មកទល់ពេលនេះ អាហារូបករណ៍ពេញថ្លៃនេះ នៅសល់ ៣ កន្លែងទៀត ដើម្បីទៅរៀនតាមសកលវិទ្យាល័យលំដាប់កំពូលទាំង១០ ក្នុងទីក្រុងប៉េកាំង ប្រទេសចិន កំពុងរង់ចាំសិស្សឆ្នើមកម្ពុជាដែលត្រូវតាមលក្ខខណ្ឌក្រុមហ៊ុនបានកំណត់។
គួររំលឹកបន្ថែមថា លក្ខណៈពិសេសអាហារូបករណ៍នេះទៅរៀននៅប្រទេសចិន គឺ មាន៣ចំណុច
១. និស្សិតនឹងមិនតម្រូវឲ្យបង់ថ្លៃសិក្សាអ្វីទាំងអស់ សម្រាប់មួយចប់កម្មវិធី
២. កន្លែងស្នាក់នៅជាបន្ទុករបស់អ្នកផ្ដល់
៣. និស្សិតនឹងទទួលប្រាក់ខែ ឧបត្ថម្ភប្រចាំខែ ចំនួន២៥០០យ័ន ប្រហែល ៤០០ដុល្លា សហរដ្ឋអាមេរិក
ប្រសិនបើសិស្សនិទ្ទេស A ដែលចាប់អារម្មណ៍ សូមរួសរាន់ទាក់ទងទៅលោក លោក ឌី ចាន់នី តាមលេខ ០៨១ ៨២ ៧២ ៩២ / ០៩២ ៨២ ៧២ ៩២។
