សូមរំលឹក! ខែធ្នូនេះ មានទាំងពិព័រណ៍យន្តហោះ ពិព័រណ៍សៀវភៅ មានរបស់ពិសេសឲ្យអ្នកចូលរួម

2018-12-04 10:23:26
ការអប់រំ

2018-12-04 10:23:26
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងខែធ្នូ ឆ្នាំ២០១៨នេះ មានកម្មវិធីពិព័រណ៍ធំៗទាក់ទិនការសិក្សាអប់រំ ដែលបើកឲ្យចូលរួមជាសាធារណៈ ជាពិសេសយុវជន និងសិស្ស និស្សិត ដែលបំណងពង្រឹង និងពង្រីកចំណេះដឹង។

១. ពិព័រណ៍សៀវភៅកម្ពុជាប្រចាំឆ្នាំលើកទី៧ សម្រាប់ឆ្នាំ២០១៨ ដែលនឹងចាប់ផ្ដើមរៀបចំជាថ្មី នៅថ្ងៃទី ០៧ ដល់ ០៩ ខែធ្នូ នៅក្នុងបរិវេណបណ្ណាល័យជាតិ ជិតសាកលវិទ្យាល័យជាតិគ្រប់គ្រង។ អ្វីដែលពិសេសនោះ ក្រៅពីសាធារណជន ពិព័រណ៍សៀវភៅ ក៏មានការគាំទ្រពីសម្ដេចនាយករដ្ឋមន្ត្រី ហ៊ុន សែន ដែលនឹងចាត់ឯកឧត្ដម ហ៊ុន ម៉ានី សម្រាប់ចូលរួមតំណាង ដោយនឹងចែកសៀវភៅប្រមាណ ១០ម៉ឺនក្បាល ឥតគិតថ្លៃ ជូនអ្នកចូលរួម ដើម្បីលើកស្ទួយការអាននៅកម្ពុជា។

២. ពិព័រណ៍យន្តហោះ និងបច្ចេកវិទ្យា លើកដំបូងនៅកម្ពុជា ជាឱកាសល្អមួយសម្រាប់យុវជនខ្មែរ ដែលស្រលាញ់ចូលចិត្តវិស័យបច្ចេកវិទ្យា។ ពិប័រណ៍នេះ នឹងប្រព្រឹត្តធ្វើឡើងនៅមូលដ្ឋានទ័ពអាកាសនៅផ្លូវ២០០៤ នៅថ្ងៃទី ១៤ ដល់ ១៦ ខែធ្នូ ឆ្នាំ២០១៨ ដោយបើកឲ្យចូលទស្សនាដោយសេរី។

រូបតំណាង

ក្នុងពិព័រណ៍នេះ មានប្រធានបទប្រកួតប្រជែងធំមួយ គឺ "ការធ្វើយន្តហោះកៅស៊ូ" ដែលមានក្រុមចំនួន ១៣ ចូលរួម ដោយក្នុង១ក្រុមមាន២នាក់។ ការប្រកួតប្រជែងធ្វើយន្តហោះកៅស៊ូ (ហោះបាន) គឺផ្ដោតសំខាន់លើ រយៈកម្ពស់នៃការហោះ រយៈពេលនៃការហោះ ចង្ងាយនៃការហោះ ការឌីហ្សាញ និងការធ្វើបទបង្ហាញ។

ក្រៅពីការប្រកួតប្រជែង អ្នកចូលរួម និងបេក្ខភាពប្រកួតក៏អាចទស្សនាយន្តហោះចំនួន ៨ គ្រឿង (Private Jet & Helicopter) មកពីស្ថាប័នផ្សេងគ្នាដូចជា Heli Star ជាដើម រួមទាំងមាន Work Shop អំពីបច្ចេកវិទ្យាជាច្រើនទៀតផងដែរ។

អត្ថបទ៖ ស៊ិន សាវ៉េត