- 2019-01-21 04:07:26
- ការអប់រំ
លោកយាយកម្ពុជាម្នាក់អាយុក្បែរ៧០ ទើបទទួលសញ្ញាបត្រថ្មីៗ ចេះជំនាញច្រើនយ៉ាង
- 2019-01-21 04:07:26
- ចំនួនមតិ 0 | ចំនួនចែករំលែក 0
លោកយាយកម្ពុជាម្នាក់អាយុក្បែរ៧០ ទើបទទួលសញ្ញាបត្រថ្មីៗ ចេះជំនាញច្រើនយ៉ាង
ចន្លោះមិនឃើញ
លោកយាយ ថានី បច្ចុប្បន្នមានអាយុ៦៩ឆ្នាំ ទើបតែបញ្ចប់វគ្គសិក្សាអក្ខរកម្មនៅអង្គការ Cambodian Children's Fund របស់លោក Scott Neeson។ លោកយាយបានសិក្សាវគ្គនេះរយៈពេល៦ខែ និងទើបទទួលបានវិញ្ញាបនបត្របញ្ជាក់ការសិក្សា កាលពីពេលថ្មីៗកន្លងទៅនេះ ដែលត្រូវបានផ្ដល់កិត្តិយសយ៉ាងខ្ពស់ខ្ពស់ពីសម្ដេចរាជបុត្រីព្រះអនុជ នរោត្ដម អរុណរស្មី ជាអ្នកប្រគល់ឲ្យ។
លោកយាយជាអ្នកឧស្សាហ៍ព្យាយាម តែងចង់ចេះ ចង់ដឹងគ្រប់បែបយ៉ាង។ ក្រៅពីរៀនជំនាញអក្ខរកម្ម លោកយាយមានជំនាញផ្សេងៗទៀតដូចជា៖ ជាងកាត់សក់ អ្នកថតរូប និងជាសិស្សម្នាក់។ ពិសេសនោះ ក្នុងថ្ងៃប្រគល់វិញ្ញាបនបត្របញ្ចប់វគ្គសិក្សានៅ អង្គការ Cambodian Children's Fund លោកយាយមានភារកិច្ចជាអ្នកថតរូបសម្រាប់កម្មវិធីទាំងមូល ពិសេសបានផ្ដិតរូបភាព សម្ដេចរាជបុត្រីព្រះអនុជ នរោត្ដម អរុណរស្មី ដែលជាភ្ញៀវពិសេស បានយ៉ាងល្អទៀតផង។
លោកយាយ ថានី មានស្រុកកំណើតមកពីខេត្តព្រៃវែង ស្វាមីលោកយាយ បានទទួលមរណភាពហើយ ដោយសព្វថ្ងៃលោកយាយ មានកូន២នាក់ ហើយរស់នៅជាមួយលោកយាយម្នាក់ នៅក្នុងផ្ទះសហគមន៍ដែលអង្គការ Cambodian Children's Fund បានសង់ជូនលោកយាយ៕