- 2019-05-03 02:05:21
- សុខភាព
ស្ដ្រីចូលចិត្តហូបកាហ្វេ បន្លែ និងផ្លែឈើ ជួយកាត់បន្ថយហានិភ័យនៃការកើតជំងឺកាចសាហាវមួយប្រភេទនេះបាន
- 2019-05-03 02:05:21
- ចំនួនមតិ 0 | ចំនួនចែករំលែក 0
ស្ដ្រីចូលចិត្តហូបកាហ្វេ បន្លែ និងផ្លែឈើ ជួយកាត់បន្ថយហានិភ័យនៃការកើតជំងឺកាចសាហាវមួយប្រភេទនេះបាន
ចន្លោះមិនឃើញ
ការសិក្សាថ្មីមួយបានបង្ហាញថាការទទួលទានកាហ្វេ បន្លែ និងផ្លែឈើជួយកាត់បន្ថយហានិភ័យនៃការកើតជំងឺមហារីកសុដន់។
ការសិក្សានេះធ្វើឡើងដោយសាកលវិទ្យាល័ចំនួនពីរនៅប្រទេសអេស្បាញ ដោយមានស្រ្តីចូលរួមចំនួន១១ ០២៨នាក់។ ក្នុងចំណោមអ្នកទាំងនេះមាន១០១ករណីបានរកឃើញថាមានកើតជំងឺមហារីកសុដន់។
ការសិក្សានេះបានឲ្យស្រ្តីទាំងនោះរៀបរាប់ប្រភេទអាហារដែលខ្លួនបានទទួលទានទៅតាមកម្រងសំណួរដែលមាន។ តាមរយៈការឆ្លើយសំណួរនេះអ្នកស្រាវជ្រាវបានប្រៀបធៀបស្រ្តីដែលទទួលទានអាហារមានអាស៊ីតហ្វីនូលិក (phenolic acid) ច្រើន និងអ្នកទទួលទានតិច។
អ្នកដែលបានទទួលទានអាហារដែលមានផ្ទុកសារធាតុphenolic acids កាន់តែច្រើនអាចកាត់បន្ថយហានិភ័យនៃការកើតជំងឺមហារីកសុដន់បានរហូតយ៉ាងតិច៦២ភាគរយបើធៀបទៅនឹងអ្នកទទួលទានអាហារមានphenolic acid តិច។
ប្រភេទសារធាតុនេះមាននៅក្នុងបន្លែ ផ្លែ ឈើ និងកាហ្វេ ហើយក៏មានដែរនៅក្នុងស្រាក្រហម។ក្នុងសេចក្ដីសន្និដ្ឋាននៃការសិក្សានេះលើកឡើងថា៖ «ការទទួលទានកាហ្វេ បន្លែ និងផ្លែឈើ គឺមានទំនាក់ទំនងទៅនឹងការកាត់បន្ថយហានិភ័យកើតជំងឺមហារីកសុដន់»។
អ្នកស្រីSusannah Brown ប្រធានស្ដីទីផ្នែកបកស្រាយការស្រាវជ្រាវនៃមូលនិធិស្រាវជ្រាវជំងឺមហារីកពិភពលោកបានលើកឡើងថានេះជាការសិក្សាមួយគួរឲ្យចាប់អារម្មណ៍ ដែលបានពន្យល់ពីអត្ថប្រយោជន៍នៃការទទួលទានបន្លែ ផ្លែឈើច្រើនជួយការពារជំងឺមហារីក»៕