សាកលវិទ្យាល័យបី ប្រគល់សញ្ញាបត្រដល់និស្សិតខ្មែរ ដែលសិក្សានៅភ្នំពេញ

2019-05-21 04:42:39
ការអប់រំ

2019-05-21 04:42:39
ចំនួនមតិ 0 | ចំនួនចែករំលែក 0

ចន្លោះមិនឃើញ

សាកលវិទ្យាល័យរបស់អាម៉េរិកធំៗចំនួនពីរ និងសាកលវិទ្យាល័យអាមេរិកាំងភ្នំពេញ (AUPP) បានប្រារព្ធ ពិធីប្រគល់សញ្ញាបត្រដល់និស្សិតជយលាភី ដែលទើបបញ្ចប់ការសិក្សានៅសាកលវិទ្យាល័យ AUPP ។

និស្សិតជ័យលាភីចំនួន ៣៦នាក់ ត្រូវបានប្រគល់សញ្ញាបត្រជូនដោយសាកលវិទ្យាល័យអារីហ្សូណា សាកលវិទ្យាល័យរដ្ឋហ្វតហេស៍ និងសាកលវិទ្យាល័យ AUPP នៅល្ងាចថ្ងៃសៅរ៍ សប្ដាហ៍មុននេះ ។

លោកសាស្ត្រាចារ្យបណ្ឌិត Kenneth Dunn សកលវិទ្យាធិការ AUPP បានមានប្រសាសន៍ថា “AUPP និងសាកលវិទ្យាល័យដៃគូនៅសហរដ្ឋអាមេរិកទាំងពីរ មានមោទកភាពយ៉ាងខ្លាំងដែលនិស្សិតជយលាភីរបស់យើងជំនាន់ទី១ និងទី២ កំពុងតែទទួលបានជោគជ័យទាំងក្នុងស្រុក និងអន្តរជាតិ”។

និស្សិតជយលាភីមួយចំនួនធំបានបន្តការសិក្សាថ្នាក់បរិញ្ញាបត្រជាន់ខ្ពស់ (អនុបណ្ឌិត) និងបណ្ឌិត នៅតាមបណ្ដាសាកលវិទ្យាល័យធំៗ នៅសហរដ្ឋអាមេរិក អូស្ត្រាលី និងចក្រភពអង់គ្លេស។ ក្នុងចំណោមនិស្សិតជ័យលាភីទាំងពីរជំនាន់ មាននិស្សិតមួយចំនួនបានឱកាសការងារពីស្ថាប័នក្នុងស្រុកនិងក្រៅប្រទេស ដោយទទួលបានប្រាក់បៀវត្សរ៍ខ្ពស់ ទៅតាមទីផ្សារអន្តរជាតិ។

លោក Gregory Bardzell តំណាងជាន់ខ្ពស់ មកពីសាកលវិទ្យាល័យអារីហ្សូណា បាននិយាយថា “សាកលវិទ្យាល័យអារីហ្សូណា សាកលវិទ្យាល័យ AUPP និងសាកលវិទ្យាល័យរដ្ឋហ្វតហេស៍ មានមោទកភាពយ៉ាងខ្លាំងដែលបានបង្កើតនូវធនធានមនុស្សប្រកបដោយសក្តានុពលខ្ពស់សម្រាប់សង្គម។”

តាមរយៈកម្មវិធីសិក្សាយកសញ្ញាបត្រពីរ (Dual Degree) និស្សិត AUPP នឹងទទួលបានសញ្ញាបត្រចេញដោយសាកលវិទ្យាល័យអារីហ្សូណា ឬសាកលវិទ្យាល័យរដ្ឋហ្វតហេស៍ បន្ថែមពីលើសញ្ញាបត្រចេញដោយសាកលវិទ្យាល័យ AUPP៕