- 2019-06-12 03:19:17
- ការអប់រំ
នារីអេត្យូពីម្នាក់មិនចង់ត្រួតថ្នាក់ ទ្រាំប្រឡងទាំងទើបសម្រាលកូនបាន៣០នាទី
- 2019-06-12 03:19:17
- ចំនួនមតិ 0 | ចំនួនចែករំលែក 0
នារីអេត្យូពីម្នាក់មិនចង់ត្រួតថ្នាក់ ទ្រាំប្រឡងទាំងទើបសម្រាលកូនបាន៣០នាទី
ចន្លោះមិនឃើញ
ស្រ្តីអេត្យូពីម្នាក់ទ្រាំអង្គុយលើគ្រែពេទ្យធ្វើវិញ្ញាសាប្រឡងបន្ទាប់ពីសម្រាលកូនបានតែ៣០នាទីដោយមិនចង់រង់ចាំដល់ឆ្នាំបន្ទាប់។ Almaz Derese វ័យ២១ឆ្នាំត្រូវរំពឹងថាបានប្រឡងមុនពេលនាងសម្រាលកូនតែការប្រឡងត្រូវបានលើកពេលដោយសារបុណ្យរ៉ាម៉ាទន។
Almaz Derese និយាយថាទោះបីនាងមានផ្ទៃពោះក៏មិនជាបញ្ហាដល់ការសិក្សាដែរ និងថាខ្លូនមិនចង់រង់ចាំការប្រឡងបញ្ចប់ថ្នាក់មធ្យមសិក្សានៅឆ្នាំក្រោយនោះទេ។
ស្រ្តីខាងលើបានយកមន្ទីរពេទ្យជាមណ្ឌលប្រឡងរបស់ខ្លួនសម្រាប់រយៈពេលបីថ្ងៃ ហើយថ្ងៃដំបូងបន្ទាប់ពីនាងសំរាលកូនបាន៣០នាទីនាងប្រឡងបីមុខវិជ្ជាគឺគណិត អង់គ្លេស និងភាសាជាតិ។
វាជារឿងទូទៅទៅហើយនៅប្រទេសអេត្យូពីដែលកូនសិស្សស្រីតែងបោះបង់ការសិក្សា ហើយក៏វិលមកបញ្ចប់ថ្នាក់មធ្យមសិក្សាវិញនៅពេលបន្ទាប់។
Almaz Derese និយាយថានាងសប្បាយចិត្តនឹងការប្រឡងនេះ ហើយកូនប្រុសរបស់នាងក៏មានសុខភាពល្អដែរ៕
