- 2019-07-22 03:52:50
- ការអប់រំ
ពេលរៀនអ្នកកត់ត្រាដោយដៃចងចាំមេរៀនបានល្អជាងអ្នកកត់ដោយម៉ាស៊ីន
- 2019-07-22 03:52:50
- ចំនួនមតិ 0 | ចំនួនចែករំលែក 0
ពេលរៀនអ្នកកត់ត្រាដោយដៃចងចាំមេរៀនបានល្អជាងអ្នកកត់ដោយម៉ាស៊ីន
ចន្លោះមិនឃើញ
ការសិក្សាបង្ហាញថាការកត់ត្រាដោយដៃជួយឲ្យមានការចងចាំល្អ និងរៀនសូត្របានច្រើនជាងដែលធ្វើការកាត់ត្រាដោយប្រើម៉ាស៊ីនកុំព្យូទ័រ។
ការសិក្សារបស់ក្រុមអ្នកចិត្តវិទ្យាលើកឡើងថាបើទោះជាការកត់ត្រាតាមម៉ាស៊ីនកុំព្យូទ័របានលឿន និងបានស្ទើរគ្រប់ពាក្យតែមិនបានជួយឲ្យអ្នកកត់ត្រាបានគិត និងវិភាគនោះទេ។ អ្នកស្រាវជ្រាវទាំងនោះថាការកត់ត្រាដោយដៃយឺតមែន ប៉ុន្តែបានទុកពេលឲ្យអ្នកកត់បានគិត និងសួរច្រើន។
អ្នកជំនាញពន្យល់ថាអ្នកមានជំនាញវាយអត្ថបទកត់ត្រាតាមម៉ាស៊ីនកុំព្យូទ័រពេលនៅក្នុងថ្នាក់គាត់មានលទ្ធភាពកត់ត្រាបានស្ទើរគ្រប់ពាក្យពេចន៍ដែលគ្រូបានសរសេរ ឬនិយាយ។ ការកត់ត្រាបែបនេះមិនបានជួយឲ្យអ្នកកត់ត្រាបានគិតច្រើននោះទេ។ ការសិក្សាផ្នែកវិទ្យាសាស្រ្តរកឃើញថាបើសិនជាយើងមិនធ្វើឲ្យមានសញ្ញាទៅកាន់ខួរក្បាលទេ នោះរាល់ការបង្រៀនទាំងអស់នឹងមិនបានចងចាំបានល្អនោះទេ។
ប៉ុន្តែបើអ្នកកត់ដោយដៃ អ្នកមិនអាចកត់បានគ្រប់យ៉ាងនោះទេ អ្នកនឹងប្រើពាក្យកាត់ ឬកត់តែខ្លឹមសំខាន់ៗ ហើយថែមទាំងបានសួរនូវអ្វីដែលអ្នកឆ្ងល់ផងដែរ។ ទាំងនេះនឹងត្រូវការប្រឹងប្រែងច្រើន ហើយវាក៏នឹងធ្វើឲ្យយើងចងចាំពីអ្វីដែលយើងបានកត់ត្រា ឬស្តាប់។
អ្នកជំនាញថាការកត់ត្រាដោយដៃធ្វើឲ្យមនុស្សមានទំនាក់ទំនងច្រើនជាមួយនឹងអ្វីដែលគេបានជួប បានឮ ឬស្តាប់ ជាងកត់ត្រាដោយម៉ាស៊ីនកុំព្យូរទ័រ។ សម្រាប់ក្មេងៗដែលចូលចិត្តសរសេរដោយដៃគឺមានគំនិតច្រើនជាងក្មេងៗដែលប្រើម៉ាស៊ីនដើម្បីកត់ត្រា។ នេះបើតាមការសិក្សាអះអាង៕
