- 2019-12-16 02:12:46
- សុខភាព
សម្តេច ហ៊ុន សែន ស្នើឲ្យគ្រប់គ្រូពេទ្យប្រកាន់នូវក្រមសីលធម៌ វិជ្ជាជីវៈ
- 2019-12-16 02:12:46
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ស្នើឲ្យគ្រប់គ្រូពេទ្យប្រកាន់នូវក្រមសីលធម៌ វិជ្ជាជីវៈ
ចន្លោះមិនឃើញ
សម្តេចហ៊ុន សែន បានស្នើឲ្យគ្រូពេទ្យគ្រប់រូបប្រកាន់នូវក្រមសីលធម៌វិជ្ជាជីវៈរបស់ខ្លួន និងខិតខំព្យាបាលអ្នកជំងឺដោយយកចិត្តទុកដាក់គិតពីជីវិតអ្នកជំងឺធំជាងប្រាក់។
សម្តេច ហ៊ុន សែន ថ្លែងក្នុងពិធីចែកសញ្ញាបត្រដល់និស្សិត នៃសាកលវិទ្យាល័យវិទ្យាសាស្រ្តសុខាភិបាលនៅព្រឹកនេះថា៖ «សុំគ្រូពេទ្យបំរើការនៅតាមមន្ទីរពេទ្យ ទាំងនៅទីនេះ ត្រូវគោរពក្រមសីលធម៌វិជ្ជាជីវៈ ទោះមានវឌ្ឍភាពក្ដី ភាគច្រើនបានធ្វើហើយ នៅតែចំនួនតិចតួចទេ ដែលតិចតួចនេះ ហើយបង្កើតជាពាក្យសម្ដី ត្រីមួយកន្ត្រកស្អុយមួយ ស្អុយទាំងអស់ ទាំងនេះហើយដែលខ្ញុំអំពាវនាវ...អ្វីក៏ដោយបើគ្មានសិលធម៌គ្រប់គ្រាន់ទេ គ្មានជោគជ័យបានទេ»។
សម្តេច ហ៊ុន សែន បានណែនាំឲ្យក្រុមគ្រូពេទ្យគិតពីអាយុជីវិតរបស់អ្នកជំងឺសំខាន់ ជាងប្រាក់ ដោយថាអ្នកមានឬអ្នកក្រជីវិតគឺសំខាន់ដូចគ្នា។ សម្តេចបន្ថែមថា៖ «ជិវិតមនុស្សមិនថាមានឬក្រ ជីវិតមួយដូចគ្នាហើយអ្នកក្រកាន់តែត្រូវយកចិត្តទុកដាក់ គាត់ក្រហ្នឹងហើយបានមករកយើង យើងត្រូវអាណិតស្រឡាញ់ យកចិត្តទុកដាក់លើពួកគាត់ ឲ្យអស់ពីលទ្ធភាព បើបញ្ហាហ្នឹងមិនបានកែទេ ទោះបំពាក់សម្ភាសរៈ រាប់លានដុល្លារទៀត ក៏នៅតែមានពាក្យសម្ដីត្អូញត្អែពីពលរដ្ឋយើង...កុំយកលុយជាធំ ត្រូវយកជីវិតជាធំ រឿងលុយទុកក្រោយ ធ្វើម៉េចជួយជីវិតគាត់សិន»។
សម្តេចបន្តទៀតថា៖ «អារឿងដណ្ដើមគ្នានៅចំណុចហ្នឹង មានប្រាក់ទុក អត់ប្រាក់បញ្ជូនទៅពេទ្យ រដ្ឋ សកម្មភាពដើម្បីសង្គ្រោះជីវិតមនុស្សជាធំ ខ្ញុំសង្ឃឹមថាយើងអាចធ្វើបាន យើងរៀនពេទ្យដើម្បីសង្គ្រោះជីវិតមនុស្ស សម្ភាសន៍អ្នករៀនពេទ្យ ខ្ញុំចង់ជួយសង្គ្រោះជីវិតមនុស្ស បានចង់រៀនពេទ្យ ...ចុះពេលក្លាយជាគ្រូពេទ្យហើយម៉េចមិនមើលលើគោលដៅដើមយើង មើលប្រាក់សំខាន់ជាង...អាខោមិនខោរអាវមិន អាវហ្នឹងហើយដែលយើងត្រូវយកចិត្តទុកដាក់»៕