- 2020-01-20 05:25:00
- ការអប់រំ
មិនធម្មតា! វៀតណាមសម្ពោធសកលវិទ្យាល័យធំជាងគេ តម្លៃសិក្សាមួយឆ្នាំ៤ម៉ឺនដុល្លារ
- 2020-01-20 05:25:00
- ចំនួនមតិ 0 | ចំនួនចែករំលែក 0
មិនធម្មតា! វៀតណាមសម្ពោធសកលវិទ្យាល័យធំជាងគេ តម្លៃសិក្សាមួយឆ្នាំ៤ម៉ឺនដុល្លារ
ចន្លោះមិនឃើញ
សកលវិទ្យាល័យ VinUni ត្រូវបានកសាងឡើងតាមបែបអឺរ៉ុប ប៉ុន្តែកម្មវិធីសិក្សានឹងរៀនតាមក្បួនខ្នាតរបស់សហរដ្ឋអាមេរិក។
សកលវិទ្យាល័យ Vinuni នៃសហព័ន្ធ Vin Group ត្រូវបានសម្ពោធជាផ្លូវការ នៅទីក្រុងហាណូយ ប្រទេសវៀតណាម។ តាមនោះដែរ សាលានេះបានចំណាយថ្លៃសាងសង់សរុប២៧១លានដុល្លារ។
ជាមួយនឹងហេដ្ឋារចនាសម្ដព័ន្ធទំនើប និងកម្មវិធីសិក្សាអន្តរជាតិនោះ ថ្លៃសាលាក៏ថ្លៃដូចគ្នា ដោយតម្លៃសិក្សា ថ្នាក់អនុបណ្ឌិត និងបណ្ឌិតគឺ៤ម៉ឺនដុល្លារមួយឆ្នាំ និង៣ម៉ឺន៥ពាន់ដុល្លារ សម្រាប់ថ្នាក់បរិញ្ញាប័ត្រ។ ជាមួយតម្លៃនេះ VinUni បានវ៉ាមុខ សកលវិទ្យាល័យ RMIT ក្លាយជាសាលាដែលមានតម្ឡៃសិក្សាខ្ពស់បំផុតរបស់វៀតណាម ដែលRMIT មានតម្លៃសិក្សា១ឆ្នាំ២ម៉ឺនដុល្លារ។
សាលានឹងចាប់ផ្ដើមទទួលឲ្យសិស្សប្រលងចូលនៅឆ្នាំ២០២០នេះតែម្ដង ដោយមានការតឹងតែងបំផុតដើម្បីស្រង់យកតែសិស្សពូកែ។ ដោយសារតែចង់សំដៅទៅរកការសិក្សាបែបអាមេរិក ដូចនេះសាលានេះចាប់ដៃគូជាមួយ សកលវិទ្យាល័យ Cornell និង Pennsylvania ដើម្បីអភិវឌ្ឍន៍កម្មវិធីសិក្សារបស់ខ្លួន។ តាមនោះដែរ សិស្សសាលានេះនឹងត្រូវបាន រៀនតាមកម្មវិធីរបស់សាលារបស់សហរដ្ឋអាមេរិកខាងលើផងដែរ។
សាលានេះរួមមាន សាលមហោស្រពរួម កន្លែងសម្រាប់និស្សិតស្នាក់អាស្រ័យ និងបណ្ណល័យយក្ស គួបផ្សំនឹងអាងហែលទឹកលំដាប់អន្តរជាតិដើម្បីប្រកួតផងដែរ៕
