- 2020-01-21 02:30:00
- ការអប់រំ
សាលាថៃចេញវិន័យ ពិន័យសិស្សណាដែលច្រៀងភ្លេងជាតិមិនឮ
- 2020-01-21 02:30:00
- ចំនួនមតិ 0 | ចំនួនចែករំលែក 0
សាលាថៃចេញវិន័យ ពិន័យសិស្សណាដែលច្រៀងភ្លេងជាតិមិនឮ
ចន្លោះមិនឃើញ
តាមវិន័យថ្មីនេះ សិស្សដែលច្រៀងភ្លេងជាតិខ្សោយគឺមានទោសធ្ងន់ជាងគេចសាលា។ ការច្រៀងភ្លេងជាតិ គឺជារឿងមួយដ៏សំខាន់នៅប្រទេសថៃ ដោយប្រជាជនត្រូវតម្រូវច្រៀងឲ្យឮ និងច្បាស់។ ហេតុនេះហើយ វិទ្យល័យ Thammasat Khlonngluang Wittiayakom ទើបតែចេញវិន័យសាលាថ្មី ដែលសិស្សណាពេលគោរពទង់ជាតិ ច្រៀងមិនឮនោះ នឹងត្រូវពិន័យ។
ជាក់ស្ដែង គ្រូៗរបស់សាលានឹងប្រើឧបករណ៍ដើម្បីវាស់ ដេស៊ីបែលរបស់សិស្សនៅពេលច្រៀងភ្លេងជាតិ។ ប្រសិនបើសិស្សណាច្រៀងឮជាង៨៥ដេស៊ីបែលនោះ នឹងរួចខ្លួន បើច្រៀង ពីចន្លោះ ៨០ដល់៨៤ដេស៊ីបែល នឹងត្រូវឈរច្រៀង២ដងឡើងវិញ។ បើច្រៀងឮតិចជាង៨០ដេស៊ីបែល គឺអ្នកត្រូវធ្ងន់ហើយ គឺត្រូវឈរច្រៀងឡើងវិញ៣ដង។
ក្រោយពេលវិន័យត្រូវបានដាក់ប្រើភ្លាម សាលាខាងលើបានទទួលការរិះគន់ពីមជ្ឈដ្ឋានជុំវិញយ៉ាងច្រើន។ យោងតាមបណ្ដាញព័ត៌មាន One31វិទ្យាល័យខាងលើបានប្រើកម្មវិធីវាស់សំឡេង នៅថ្ងៃទី៦ និងទី៧ ខែមករា។ នៅថ្ងៃទី៩ ខែមករា នៅពេលអ្នកកាសែតចុះយកព័ត៌មាននោះ សិស្ស៤៣០០នាក់បានឈរច្រៀងភ្លេងជាតិហើយ សំឡេងបានត្រឹម៧៥ដេស៊ីបែលប៉ុណ្ណោះ ដូចនេះសិស្សត្រូវច្រៀងឡើងវិញ៣ដង។
អ្វីដែលគួរឲ្យនិយាយនោះគឺ អ្នកវិទ្យាសាស្ត្របានឲ្យដឹងថា រាល់សំឡេងដែលឮជាង៨៥ដេស៊ីបែលគឺសុទ្ធតែប៉ះពាល់សុខភាពត្រចៀកទាំងអស់៕
